एजेन्सी– भारतीय क्रिकेट टिमले अस्ट्रेलियाविरुद्धको एकदिवसीय खेलमा 'सैनिक क्याप' लगाएपछि पाकिस्तानले कारबाहीको माग गरेको छ। भारतले खेलमाथि राजनीति गर्न खोजेको भन्दै अन्तर्राष्ट्रिय क्रिकेट काउन्सिल (आइसिसी) ले कारबाही गर्नु पर्ने पाकिस्तानले माग गरेको हो।
शुक्रबार राँचीमा भएको तेस्रो एकदिवसीय खेलमा भारतीय खेलाडरुले सैनिक क्याप लगाएर मैदान उत्रिएका थिए। भारतीय क्रिकेट कान्ट्रोल बोर्ड (बिसिसिआई) ले नियमित निलो क्यापको सट्टा सैनिक क्याप लगाएर गत महिना कास्मिरमा मारिएका सैनिकप्रति सम्मान दर्शाएको बताएको थियो।
'भारतीय क्रिकेट टिमले आफ्नो क्याप नलगाएर सैनिक क्याप लगाएको विश्वले देखेको छ। के आइसिसीले पनि देखेको थियो?', पाकिस्तानका विदेश मन्त्री शाह मेमूद क्युरेशीले शनिबार स्थानिय मिडियासँग भने,'यो कुरा पाकिस्तान क्रिकेट बोर्डले भन्नु पहिले नै आइसिसीले नियल्नु पर्ने विषय हो।'
खेलमा भारतका पूर्वकप्तान महेन्द्रसिंह धोनीदले खेलाडीहरुलाई क्याप हस्तान्तरण गरेका थिए। धोनी भारतीय सेनाका मानार्थ लेफ्टिनेन्ट करनेल हुन्।
भारतीय टिमका कप्तान विराट कोहलीले क्याप विशेष भएको भन्दै सहिद र उनीहरुको परिवारका लागि सम्मान दिन क्याप लगाएको बताएका थिए। उनले सबै खेलाडीले खेलको म्याच फि चन्दा दिने पनि बताएका थिए।
यता पाकिस्तानका सुचना मन्त्री फवाद चौधरीले आइसिसीले भलाद्मीको खेलमाथि राजनीति गरेकोमा आइसिसीले कारबाहीको प्रक्रिया अघि बढाउने विश्वास व्यक्त गरेका छन्।
भारत र पाकिस्तानवीच द्वन्द्व चर्किदै जादा त्यसको असर खेलमा पनि परिरहेको छ। यसअघि भारतले पाकिस्तानका दुई जना सुटिङ खेलाडीलाई भिसा दिन अस्विकार गरेको थियो। लगत्तै बिसिसिआईले आगामी एकदिवसीय विश्वकपमा पाकिस्तानको खेल बाहिस्कार गर्नु पर्ने भन्दै आइसिसीलाई पत्राचार गरेको थियो। तर आइसिसीले बिसिसिआईको प्रस्ताव अस्विकार गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
