काठमाडौं- नेपाल कम्युनिस्ट पार्टी (नेकपा) को सांगठनिक एकताको लागि गठित चौथो कार्यदलका बहुमत सदस्यले फरक मतसहितको प्रतिवेदन अध्यक्षद्वय केपी शर्मा ओली र पुष्पकमल दाहाललाई बुझाएका छन्।
पार्टीको गत मंसिर २९ देखि पुस १३ सम्म बसेको स्थायी समिति बैठकले सांगठनिक एकताको बाँकी काम टुंग्याउन ९ सदस्ययीय कार्यदल गठन गरेको थियो। सदस्यहरुमा रामबहादुर थापा बादल, विष्णु पौडेल, योगेश भट्टराई, सुरेन्द्र पाण्डे, वेदुरामा भुसाल, वर्षमान पुन, लेखराज भट्ट, शंकर पोखरेल र रघुवीर महासेठ थिए।
कार्यदल सदस्यहरुले दुई घण्टाभन्दा बढी समय कुरेर ओलीलाई केहीबेरअघि बालुवाटारमा प्रतिवेदन बुझाएका हुन्।
कार्यदलका सदस्य सुरेन्द्र पाण्डे वर्षमान पुन, योगेश भट्टराई , लेखराज भट्ट र बेदुराम भुसालले फरक मतसहितको प्रतिवेदन बझाएका छन्।
पुन र भट्ट विदेशमा रहेपनि उनीहरुको सैद्धान्तिक सहमति रहेको प्रतिवेदनमा उल्लेख छ।
कार्यदलका सदस्यहरुबीचमै निरन्तर संवाद नहुने र बैठक नै नबस्ने परिस्थितिका बीच कार्यदलले प्रतिवेदन तयार हुन सकेको थिएन। कार्यदलका चार जना सदस्यले यसअघि नै अपुरो प्रतिवेदन बुझाएका थिए।
कार्य दललाई आवश्यक समय बैठकको लागि उपलब्ध संयोजकले नदिएको भन्दै कार्य दलका बहुमत सदस्य असंतुष्ट थिए।
शुक्रबार पार्टी अध्यक्ष ओलीले कार्य दल भङ्ग गरेका थिए। कार्य दललाई असक्षम बनाइएको भन्दै असन्तुष्ट पांच जनाले छुट्टै प्रतिवेदन तयार गरी आईतबार बुझाएका हुन्।
शनिबार पार्टी अध्यक्षलाई बुझाउन तयारी गरेका भएपनि ओलीले समय नदिएपछि आईतबार बुझाएका हुन्। प्रतिवेदन बुझाउन कार्यदल सदस्यले दुई घण्टाभन्दा बढी प्रमलाई कुरेका थिए।
यस्तो छ प्रतिवेदनको पूर्णपाठ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
