काठमाडौं- नेपाल कम्युनिस्ट पार्टी (नेकपा) को सांगठनिक एकताको लागि गठित चौथो कार्यदलका बहुमत सदस्यले फरक मतसहितको प्रतिवेदन अध्यक्षद्वय केपी शर्मा ओली र पुष्पकमल दाहाललाई बुझाएका छन्।
पार्टीको गत मंसिर २९ देखि पुस १३ सम्म बसेको स्थायी समिति बैठकले सांगठनिक एकताको बाँकी काम टुंग्याउन ९ सदस्ययीय कार्यदल गठन गरेको थियो। सदस्यहरुमा रामबहादुर थापा बादल, विष्णु पौडेल, योगेश भट्टराई, सुरेन्द्र पाण्डे, वेदुराम भुसाल, वर्षमान पुन, लेखराज भट्ट, शंकर पोखरेल र रघुवीर महासेठ थिए।
यी मध्ये बहुमत सदस्यले फरक मतसहितको प्रतिवेदन अध्यक्षद्वयलाई बुझाएका हुन्। कार्यदलका सदस्य सुरेन्द्र पाण्डे, वर्षमान पुन, योगेश भट्टराई, लेखराज भट्ट र वेदुराम भुसालले फरक मतसहितको प्रतिवेदन बझाएका हुन्। पुन र भट्ट विदेशमा रहेपनि उनीहरुको सैद्धान्तिक असहमति रहेको प्रतिवेदनमा उल्लेख छ।
कार्यदलका सदस्यहरुबीचमै निरन्तर संवाद नहुने र बैठक नै नबस्ने परिस्थितिका बीच कार्यदलले समयमै प्रतिवेदन तयार गर्न सकेको थिएन। कार्यदलका ४ जना सदस्यले यसअघि नै अपुरो प्रतिवेदन बुझाएका थिए।
कार्यदललाई आवश्यक समय बैठकको लागि उपलब्ध संयोजकले नदिएको भन्दै कार्यदलका बहुमत सदस्य असन्तुष्ट थिए।
शुक्रबार पार्टी अध्यक्ष ओलीले कार्यदल भङ्ग गरेका थिए। कार्यदललाई असक्षम बनाइएको भन्दै असन्तुष्ट ५ जनाले छुट्टै प्रतिवेदन तयार गरी आइतबार बुझाएका हुन्।
शनिबार पार्टी अध्यक्षलाई बुझाउन तयारी गरेका भएपनि ओलीले समय नदिएपछि आइतबार बुझाएका हुन्। प्रतिवेदन बुझाउन दुई घण्टाभन्दा बढी कार्यदल सदस्यले प्रमलाई कुरेका थिए।
यस्तो छ प्रतिवेदनको पूर्णपाठ:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
