काठमाडौं- नेपाली कांग्रेस निकट नेपाल विद्यार्थी संघ नेतृत्वविहीन बनेपछि संघका नेता तथा कार्यकर्ताले केन्द्रीय कार्यालय सानेपामा ‘रौद्र रूप’ देखाएका छन्।
पार्टीको जारी केन्द्रीय समिति बैठकमा नेताहरुलाई आफ्नो ‘स्वार्थ अनुकूल’ पार्ने गरी दबाब दिने क्रममा संघका दुईपक्षले झडप गरेका हुन्। पार्टीले संघलाई विघटन गरी तदर्थ समिति बनाउने भएसँगै उमेर हदको विषयमा पार्टी र संघका नेताहरु दुई ध्रुवमा बाँडिएका हुन्।
पार्टी संस्थापन पक्ष ३२ वर्षे उमेर हद कायम गरी तदर्थ समिति बनाउन लागेको भन्दै कृष्णप्रसाद सिटौला समूहका विद्यार्थी विरोधमा उत्रिएका थिए।
उक्त समूहलाई काउन्टर दिने गरी संस्थापन समूहका विद्यार्थीहरू पार्टी कार्यालय सानेपामा जम्मा भएका थिए। दुई समूहको भिडान्तको अवस्था आउने देखेपछि पार्टी कार्यालयका सचिव डा प्रदीप पराजुलीले दुबै पक्षलाई संयमित भई प्राङगण बाहिर प्रर्दशन गर्न निर्देशन दिएका थिए।
पराजुलीको निर्देशनलाई संघका कार्यकर्ताले अटेरी गरेसँगै झडपको स्थिति आएको थियो। दुई पक्षको ढुगां हानाहानले आधा दर्जन संघका कार्यकर्ता र दुई पत्रकार घाइते भएका छन्। प्रहरीले बाह्रखरीका पत्रकार केशव साउदलाई पत्रकारको परिचय पत्र देखाउदादेखाउँदै पनि कुटपिट गरेको छ।
साउदलाई प्रहरीको आक्रमणबाट पत्रकारले बचाएका थिए।
केन्द्रीय कार्यालयमा झडप गर्ने संघका दुईपक्षले आफू नजिकका कार्यकर्तालाई मोटरसाइकल र बसमा राखेर कार्यालय परिसरमा उतारेका थिए। प्रहरीले संघका कार्यकर्तालाई कार्यालयमा प्रवेश गर्न रोकेको थियो। नेता कृष्णप्रसाद सिटौला कार्यालयमा प्रवेश गर्ने क्रममा संस्थापन समूहका संघका कार्यकर्ताले रोकि आफ्नो पक्षको माग सुनाउने प्रयास गरेका थिए।
उनीहरूले नाराबाजी गर्दा प्रयोग गरेको ब्यानर सिटौला प्रवेश गर्ने क्रममा दुई पक्षका कार्यकर्ताले तानातान गर्दा च्यातिएको थियो। संस्थापन समूहको ब्यानर अर्को पक्षले च्यातिदिएको भन्दै उनीहरू आक्रामक भए। दुई पक्षबीचको आरोप प्रत्यारोप बढ्दै गएपछि ढुंगा हानहान शुरु भएको थियो। विद्यार्थीहरुबीच एक अर्काले ढुंगा हानहान गरेसँगै प्रहरीले हस्तक्षेप गरि तितरवितर पारेको थियो।
केन्द्रीय कार्यालयमा ढुंगामुढाको अवस्था आउनुमा एक अर्काले अर्को पक्षलाई दोष लगाएका छन्। संघका निवर्तमान केन्द्रीय सदस्य सुशील भट्टले कार्यालय सचिवले दिएको सुझावलाई अर्को पक्षले लत्याउदाँ अप्रिय घटना भएको बताए।
अर्को तर्फ निर्वतमान उपाध्यक्ष पुष्प शाहीले ३२ वर्षे उमेर हद १२ महाधिवेसन पछि मात्रै लागु हुने व्यवस्थालाई लिएर अर्को पक्षले नाजायज माग उठाएको आरोप लगाए।
सिटौला पक्षका विद्यार्थीहरुले चार दिनअघि पार्टी कार्यालयमा उपसभापति विमलेन्द्र निधि र सह महामन्त्री डा प्रकाशशरण महतले विद्यार्थीहरुमाथि नेताहरुले दुर्व्यवहार गरेको बुझेका छन्। दुई नेतालाई आफ्ना माग सुनाउने क्रममा भएको घटनालाई संस्थापन पक्षले नेता सिटौलालाई रोकेर गर्न लागेको उक्त पक्षको बुझाई छ।
निर्धारित समयभन्दा ६ घन्टा ढिलो बैठक सुरु
पार्टीको विधानलाई महासमिति बैठकको मर्म अनुरुप पारित गर्न बोलाईको बैठक अनिर्णित हुँदै आएको छ। गत ९ फागुनमा बस्न नसकेको बैठक आइतबार ११ बजे बोलाइएपनि निर्धारित समयमा सुरु हुन सकेन।
माघ ९ मा शीर्ष नेताहरुबीच कुनै सहमति हुन नसकेपछि आइतबार बस्ने गरी बैठक सारिएको थियो। नेताहरु आन्तरिक बैठकमा जुटेपनि कुनै सहमति महासमितिको एजेन्डामा सहमति हुन नसकेपछि बैठक वस्न सकेको थिएन।
शीर्ष तहका नेताहरु पार्टी सभापतिको कार्यकक्षमा छलफलमा ६ घन्टा जुटेपछि बैठक पाँच बजे पछि सुरु भएको छ।
केन्द्रीय सदस्यहरु वडा तहबाट स्वतः निर्वाचित हुने प्रावधानलाई हटाउनुपर्ने प्रस्ताव महासमितिको बैठकमा बहुसंख्यक सहभागीहरुले राखेका थिए।
उक्त प्रस्तावलाई केन्द्रीय कार्य समितिले पारित गर्ने गरि पार्टी सभापति र वरिष्ठ नेता रामचन्द्र पौडेलले प्रतिबद्धता जनाएका थिए। जिल्ला सभापतिहरुले आरक्षणको व्यवस्थाले पार्टीमा गलत परम्परा बसाएको भन्दै आरक्षण एकपटक मात्रै हुनुपर्ने माग उठाएका थिए।
भिडियोः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
