न्यारोबडी ए३२० को इन्जिन मर्मत टेन्डर प्रक्रिया नबढाउन लेखा समितिको निर्देशन

कर्पोरेट

नेपाल लाइभ शुक्रबार, फागुन १०, २०७५ १३:५६

काठमाडौं– नेपाल वायु सेवा निगमले न्यारोबडी ए ३२० जहाजको इन्जिन मर्मतका लागि गरिएको रि–डेन्डर प्रक्रिया तत्काल अगाडि नबढाउन संसदको लेखा समितिले निर्देशन दिएको छ।

शुक्रबार सिंहदरबारमा बसेको लेखा समितिको बैठकले निगमले न्यारोबडी विमानको इन्जिन मर्मतका लागि गरेको टेन्डर प्रक्रियामा खोट रहेका भन्दै तत्काल अगाडि नबढाने निर्देशन दिएको छ।

निगमले भने २०१८ मे ११ मा पहिलो पटक प्रकाशित इन्जिनको मर्मत तथा लिजको डेन्डर रद्द गर्दै जनवरी ८ मा पुनः इन्जिन मर्मतका लागि मात्रै टेन्डर गरेको थियो।

टेन्डरमा सहभागी कम्पनीको बोलपत्र निगमले आज खोल्दै थियो। निगमले मे ११ मा एकैपटका मर्मत तथा लिजलाईं गरेको टेन्डर कानुन विपरित रहेको भन्दै रद्द गरेको थियो।

‘दुई वटै प्रक्रियाको एकैपटकमा टेन्डर गर्न नमिल्लने कानुनी आधार थिए’, निगम कार्यकारी अध्यक्ष मदन खरेलले भने, ‘त्यसमध्ये अहिले मर्मतको लागि टेन्डर भएको थियो भने इन्जिन लिजमा लिने टेन्डर केही समयमा हुन्छ।’

तर, सांसदहरुले टेन्डर रद्द गर्नपर्ने कारण र फेरि सिंगल–सिंगल रुपमा टेन्डर गर्नुपर्ने निर्णयसहित सबै कागज माग गरेको थियो। वाइबबडीको जहाजको पीबीएच (इन्जिन पार्टपुर्जा) लिने टेन्डरमा भएको आर्थिक हिनामिनाको विषयमा समेत सांसदहरुले खरलेमाथि प्रश्न गरेको थियो।

सांसदहरुले सबै भन्दा थौरे रकममा काम गर्छु भनी कबुल गर्ने एम/एस लुफ्थान्सालाई टेन्डर अवार्ड नगरी किन एजे वार्टरलाई दिएको प्रश्न गरेका थिए।

सांसदहरले कम रकममा काम गर्छ भनी कबुल गर्नेलाई अवार्ड नगरी अर्को कम्पनीलाई अवार्ड गर्दा एक सय ५१ करोड रुपैयाँ राज्यलाई घाटा भएको बताएका छन।

तर, निगमका अध्यक्ष खरलले भने तोकिएको समयमा हामीले तोके अनुसारको काम गर्न सहमत नभएको कारण एजे वार्टरलाई यस कामको जिम्मा दिएका बताएका थिए।

लुफ्थान्साले टेन्डर प्रक्रियामा सहभागी सबै कम्पनी रकम सार्वजनकि भइसकेपछि पुनः इमेल मार्फत काम गर्ने प्रतिबद्धता गरेको उनले जानकारी दिए।

तर, सार्वजनिक खरिद ऐन विपरीत भएका कारण उसलाई अवार्ड गर्न नसकेको सांसदहरुलाई जवाफ दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु