काठमाडौं–नेपाली दर्शकमाझ आफ्नो छुट्टै पहिचान बनाएका नायक आकाश श्रेष्ठ र नायिका आँचल शर्मा एकाएक धुलिखेलको मिरावल होटलमा देखा परेका छन्।
आकाशले आँचललाई सरप्राइज दिन सुटुक्क धुलिखेल लगेका हुन्। एकाएक आकाश र आँचलको टेबलमा बर्थ डे केक आइपुग्छ। आकाशले आँचलको बर्थ डे सेलिब्रेसनको तयारी गरेका रहेछन्। आँचलले बर्थ डेको केक काट्छिन्। उता आकाशले पपअप पट्काउछन्। आकाशले केक आँचललाई खुवाउँछन् अनि आँचलले खुशी भएर आकाशप्रति मुस्कानसहित प्रेमभाव प्रकट गर्छिन्।
होटेलको रेष्टुरेन्टमा रहेका सबैले आँचललाई बर्थ डे विस गर्छन्। त्यहीबेला परबाट निर्देशक प्रभावनले ‘ओके’ समर्थन छ, ल अब अर्काे एङगलबाट सट लिउँ भन्छन्।
यतिकैमा होटलमा रहेका सबैको ध्यान भङ्ग हुन्छ र भन्छन्, ‘ए सुटिङ पो रहेछ।’
चर्चित गाएक प्रमोद खरेलको गायन रहेको गजल ‘समय आएपछि’को म्युजिक भिडियोको सुटिङको लागि नेपाली सिने क्षेत्रका व्यस्त यो जोडीलाई लिएर निर्देशक प्रभावन पर्यटकीय नगरी धुलिखेलको मनमोहक दृश्य कैद गर्न मिरावल होटेलमा व्यस्त देखिन्थे। हेर्दा लाग्थ्यो म्युजिक भिडियो होइन कि फिल्मकै सुटिङ भइरहेको छ। आकाश र आँचललाई साथ दिइरहका थिए चर्चित कलाकारहरु रश्मी भट्ट, राजाराम गौतम र श्वेता गोलेले।
क्यामेराम्यान टंक केसी र उनको साथमा ग्राफर विशेष महर्जन असिनपसिन हुँदै सटहरु लिइरहेका थिए। उता डिएआर मुभिजका व्यवस्थापक डिएन दाहाल (धनपति) बिहेको सिनका लागि ठूलो सेट बनाउन र भीड व्यवस्थापनको कसरतमा टिम लिएर दौडधुप गरिरहेका देखिन्थे। ध्रुव केसीको रचना रहेको उक्त गजलमा संगीत ईश्वर खत्री र संगीत संयोजन किरण कँडेलले गरेका छन् भने कला रोशन झा, मेकअप निमा लामाले गरेका छन्।
नायक आकाश भन्दै थिए, ‘म म्युजिक भिडियो सुटिङ होइन कि कुनै बिग मुभिजको गीत गरिरहेको छु झै लागिरहेको छ।’ उता आँचल मलिनो स्वरले भन्छिन्, ‘यो म्युजिक भिडियोको कथालाई लिएर निर्देशक प्रभावनले मलाई पहिलो पटक धुलिखेल अस्पताल लगेर एमआरआई गराए।’ आँचलको यो पहिलो अनुभव थियो। एमआरआई मेसिनबाट बाहिर निस्केपछि आँचलले लामो स्वास फेर्दै भनिन्, ‘हे भगवान यो प्रभावन दाईले मलाई कति सम्म खटाउनुभएको, सातो उडाउनुभयो र पनि रमाइलो भइरहेको छ।’
भिडियोलाई लिएर आकाश र आँचल निकै उत्साहित छन्।
डिएआर मुभिजले यो गीत बजारमा आउँदा नेपाली दर्शकलाई अलग्गै स्वाद पस्कन सफल हुनेमा व्यवस्थापक डिएन दाहाल विश्वस्त छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
