जनकपुर- सर्लाहीकाे मदरसामा भएको झडपमा परि दुईजना घाइते भएका छन्। चक्रघट्टा गाउँपालिका–४ सुन्दरपुर स्थित मदरसामा झडप भएकाे थियाे।
मदरसाको आम्दानी र खर्चको विवरण सार्वजनिक गर्ने क्रममा रिजबिया हिदातुल मुस्लमिन मदरसामा झडप भएको हो। कारोबार पारदर्शी नभएको भन्दै विवाद बढेर झडप भएको बताइएको छ।
झडपमा स्थानीय ४८ वर्षीय मोहमद रेजा र ४५ वर्षीय सेख सहिद दुलाल घाइते भएका छन्। रेजाको टाउको र ढाडमा चोट लागेको छ भने सेख सहिदको टाउको र नाकमा चोट लागेको छ।
उनीहरूको जिल्ला अस्पताल मलङ्गवामा उपचार भइरहेको छ। मदरसामा ५ सयभन्दा बढी विद्यार्थी अध्ययनरत छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776414047.png)
-1764146706.png)
