काठमाडौं– एक दिवसीय अन्तर्राष्ट्रिय क्रिकेटको पहिलो खेलमा युएईसँग नेपाल ३ विकेटले पराजित भएको छ।
नेपालले दिएको १ सय १४ रनको लक्ष्य पछ्याएको युएईले ३२ दशमलब एक ओभरमा ७ विकेट गुमाएर पूरा गर्यो।
युएईका लागि घुलाम शब्बेरले ३०, सैमन अन्वारले ११, मोहम्मद उस्मन ६, अष्फाक अहमद ५, चिराग सुरीले ४ र फाहाद नवाजले २ रन बनाएर आउट भए भने नेपालका लागि कप्तान पारस खड्का, सन्दीप लामिछाने र करण केसीले २ र सोमपाल कामीले १ विकेट लिए।
यसअघि टस हारेर पहिले ब्याटिङ गरेको नेपालले ३३ दशमलब ५ ओभरमा अलआउट हुँदै १ सय १३ रन बनाएको थियो।
नेपालका लागि सोमपाल कामीले सर्वाधिक ३० रन बनाउँदा आरिफ शेखले २५ तथा कप्तान पारस खड्काले २० रन बनाएका थिए।
सन्दीप लामिछानेले १५ रन बनाउनुबाहेकअरु खेलाडीले दोहोरो रनको स्कोर लिन सकेनन्।
नेपालका कप्तान पारस खड्का २० रनमा आउट भएका थिए। नेपालका लागि विनोद भण्डारीले ५, पवन सर्राफले ४ र करण केसीले ३ रन बनाए। युएईका लागि कप्तान मोहम्मद नाभिद र अमिर हायतले ३/तीन विकेट लिए ।
त्यस्तै, इम्रन हैडरले दुई विकेट लिए।
नेपालले दोस्रो एकदिवसीय खेल भोलि शनिबार खेल्नेछ। खेल नेपाली समयअनुसार बिहान सबा ११ बजेबाट सुरू हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
