काठमाडौं– एसपी दीपकराज खरेलको दोहोरो नागरिकताबारे गृह मन्त्रालयले छानबिन सुरु गरेको छ।
अवकाश भएको ६ वर्षसम्म पनि सेवामा बहाली रहेको र दोहोरो नागरिकता लिएको भन्ने समाचार नेपाल लाइभले प्रकाशन गरेपछि एसपी खरेलको नागरिकतामाथि गृहले अनुसन्धान गरेको हो।
यसअघि अवकाश भएको ६ वर्षसम्म पनि एसपी खरेल सेवा रही रहेको भन्ने समाचार नेपाल लाइभले प्रकाशन गरेपछि उनलाई प्रहरी किताबखानाले अवकाशको पत्र थमाएको थियो।
त्यसपछि उनी सर्वोच्च गुहार्न पुगेका थिए। उनको मुद्दा विचाराधीन छ भने नागरिकता समेत त्रुटि भएको पाइएपछि गृहले त्यसमाथि पनि अनुसन्धान सुरु गरेको छ।
गृह स्रोतले दिएको जानकारीअनुसार एसपी खरेललाई यसबारे सोधपुछ गर्न पत्रसमेत काटिसकिएको छ। उनीमाथिको अनुसन्धान केही समयमै टुंगोमा पुग्ने गृह स्रोतले जानकारी दियो।
खरेलले २०२२ साल पुस १४ गतेको जन्म भएको नागरिकता काभ्रेबाट लिएका थिए। त्यसपछि उनले जिल्ला प्रशासन कार्यालय ललितपुरबाट पहिलो प्रतिलिपि लिएका थिए।
ललितपुरबाट लिएको नागरितामा भने खरेलले चलाखी गरेर जन्ममिति २०२५ पुस १४ गते बनाउन सफल भएका थिए।
२०३९ चैत १३ गते खरेल प्रहरी जवान पदमा भर्ना भएका थिए। त्यसबेला उनले भर्ना फारममा उमेर १८ वर्ष उल्लेख गरेका थिए।
तर, उनको दोहोरो नागरिकतामध्ये जिल्ला प्रशासन कार्यालय काभ्रेबाट जारी २०२२ पुस १४ बाटै हिसाब गर्दा पनि उनको उमेर १८ वर्ष पुग्दैन। जबकि त्यसबेला पनि १८ वर्ष नपुग्दै जागिर खाने कानुनी प्रावधान थिएन।
जिल्ला प्रशासन कार्यालय ललितपुरबाट जारी भएको नागरिकताका आधारमा उनी १४ वर्ष ३ महिना १ दिनमै प्रहरी सेवामा प्रवेश गरेको देखिन्छ।
जन्ममिति लम्ब्याएर बढी जागिर खान खरेलले राज्यलाई झुक्याएर नागरिकता नम्बरसमेत सच्याएको गोप्य कागजात नेपाल लाइभले यसअघि नै प्रकाशन गरेको थियो।
खरेलले २०५७ असार ३ गते बनाएको कर्मचारी सञ्चयकोषको रेकर्डमा भने उनको जन्ममिति २०२५ पुस १४ नै देखिन्छ। एसपी खरेल काँही २०२२ साल काँही २०२५ साल लैख्दै आएका छन्।
हेर्नुस्, फरकफरक नागरिकता-
यो पनि :
EXCLUSIVE : अवकाशको ६ वर्षपछि खरेललाई एसपीको फुली, पूर्व आइजिपीको कुटिल चाल, गुमराहमा सरकार
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1741788745.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
