कैलाली- कुटपिट गरी बन्धक बनाई राखेको अवस्थामा प्रहरीले एक जनाको उद्धार गरेको छ। बन्धक बनाएको आरोपमा तीन जनालाई पक्राउ गरेको छ।
कैलाली गोदावरी नगरपालिका-६ तेघरी घर भई धनगढी उपमहानगरपालिका–४ उत्तरबेहडीस्थित होटल जलसामा हेल्परको काम गर्ने १७ वर्षीय वसन्त भाटलाई कैलाली प्रहरीले उद्धार गरेको छ।
उनलाई बन्धक बनाउने कार्यमा संलग्न डोटी पूर्वी गाउँपालिका–२ फुलौट बस्ने २१ वर्षीय चक्र खड्का, कैलाली धनगढी उपमहानगरपालिका–२ बैयाबेहडी बस्ने १९ वर्षीय कुन्दन जोशी र कैलाली धनगढी उपमहानगरपालिका–२ बैयाबेहडी बस्ने १९ वर्षीय हर्केश बागलाई प्रहरीले पक्राउ गरेको छ।
सोही होटलमा काम गर्ने चक्र खड्कासमेत ६ का जनाले कुटपिट गरी जबरजस्ती मोटरसाइकलमा राखी अपहरण गरी लगेको सूचना प्राप्त हुनासाथ जिल्ला प्रहरी कार्यालय कैलालीबाट खटिएको प्रहरीले अनुसन्धान गर्ने क्रममा बसन्त भाटलाई बन्धक बनाई राखी कुटपिट गरेको अवस्थामा फेला पारेको हो।
साथै प्रहरीले उनीहरुका साथबाट से ७ प ३४४५ नम्बरको मोटरसाइकल र ३ थान मोबाइल समेत बरामद गरेको छ।
घटनामा संलग्न अन्य फरार अभियुक्तको खोजी भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
