नेपालमै उत्पादन भयो हेपाटाइटिस बीको औषधि

कर्पोरेट

नेपाल लाइभ बिहीबार, पुस २६, २०७५ २०:२४

काठमाडौं- हेपाटाइटिस बीका लागि अत्यावश्यक मानिने औषधि इन्टेकाभिर (Entecarvir) को उत्पादन नेपालमै सुरु भएको छ । नेपाली फर्मास्युटिकल कम्पनी म्याग्नस फर्माले स्वदेशमै यस्तो औाषधिको उत्पादन सुरु गरेको हो।

हेपाटाइटिस बीको नेपालमा बढ्दो प्रकोपलाई मध्यनजर गर्दै म्याग्नसले इन्टेका–बी (Enteca -B) ब्रान्ड नेमका साथ ‘इन्टेकाभिर’ (Entecarvir ) बजारमा ल्याएको छ।

नेपालमा कुल जनसंख्याको लगभग १ प्रतिशतमा हेपाटाइसिटस बीको संक्रमण भएको अनुमान छ । समयमा उपचार नगरे हेपाटाइटिस बीले कलेजो सिरोसिस र कलेजोको क्यान्सर गराई मानिसको मुत्यु हुनसक्छ।

इन्टेका–बी (Enteca -B) ले हेपाटाइसटिस बी भाइरसको प्रतिकृति (रेप्लिकेसन)लाई रोक्छ, जसले गर्दा हेपाटाइटिस बी भाइरस शरीरमा बढ्न पाउँदैन र रोगको रोकथाम हुन्छ।

सामान्यतया हेपाटाइटिस बीको उपचार अति लामो समयसम्म गर्नुपर्ने हुँदा रेजिस्टेन्सको विकास भई भाइरसले औषधिलाई निष्क्रिय पार्दिन सक्छ। इन्टेका–बी हेपाटाइटिस बीका लागि प्रयोग गरिने औषधिमध्ये सबैभन्दा कम रेजिस्टेन्सको विकास हुने औषधि हो।

साथसाथै, मिर्गौलामा पनि यस औषधिले कुनै पनि नकारात्मक असर नगर्ने हुँदा इन्टेका–बी हेपाइटाइटिस बीका लागि उपयुक्त र सुरक्षित औषधिका रुपमा लिइन्छ।

औषधि उत्पादनमा राष्ट्रलाई आत्मनिर्भर बनाउने लक्ष्यसहित अघि बढिरहेको म्याग्नस हेपाटाइटिसको लागि औषधि बनाउने पहिलो कम्पनी भएको कम्पनीका बजारप्रबन्धक सुधीरप्रकाश मास्केले जानकारी दिए। उनका अनुसार कम्पनीले नयाँ उत्पादनमा नै जोड दिँदै आइरहेको छ।

म्याग्नसले यसअघि हेपाटाइटिस सीको नयाँ औषधि सोफोसबूभीर (Sofosbuvir) लाई ब्रन्ड नेम सोफूभीर (Sofuvir) र हेपाटाइटिस बीकै अर्को महत्वपूर्ण औषधि टेनोफोभीर (Tenofovir) लाई ब्रान्ड न्याम टेनोफ (Tenof )का साथ बजारमा ल्याइसकेको छ।

इन्टेका बी (Enteca -B) ०.५ र १ एमजीमा उपलब्ध छ, जसको हाल बजारमूल्य ९० र १ सय ६० रूपैयाँ कायम गरिएको कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हमासले रिहा गर्‍यो तीन बन्धक, इजरायलले पनि ९० प्यालेस्टिनीलाई छोड्यो

इञ्जिनियरको इको इँटा उद्योग, महिनामा कमाउँछन् एक लाख बढी

मोटोपनाको नयाँ परिभाषा दिनुपर्नेमा अन्तर्राष्ट्रिय अध्ययनको जोड