जनकपुर– हुलाकी सडक संघर्ष समितिले अनिश्चितकालीन पुल निर्माणको लागि दबाब दिन रिले अनसन सुरु गरेको छ।
धनुषा–सिराहा जोड्ने कमला र सिराहा–सप्तरी जोड्ने बलान नदीको पुल निर्माणको काम ९ वर्षमा पनि सम्पन्न नभएपछि संघर्ष समितिले अनिश्चितकालीन रिले अनसन सुरु गरेको हो।
सम्झौता भएको साढे ३ वर्ष भित्र निर्माण सम्पन्न गर्नु पर्नेमा ९ वर्ष बढी बितिसक्दा पनि हालसम्म ५० प्रतिशत कामसमेत सम्पन्न भएको छैन।
संघर्ष समितिले अबको ६ महिनाभित्र निर्माण सुनिश्चितताको मागसहित सिराहा सदरमुकाम स्थित हुलाकी सडक मै अनिश्चितकालीन रिले अनसन सुरु गरेको हो।
२०६८ साल जेठ ३१ गतेमा पप्पु कन्सट्रक्सनलाई २८ करोड १५ लाखमा दिइएको कमला नदीे पुल निर्माणको ठेक्का २०७१ साल मंसिर ३१ गते नै सम्पन्न गर्नुपर्ने थियो। तर, हालसम्म मात्र ३० प्रतिशत भन्दा बढी काम हुन सकेको छैन।
सरकारले कामको मूल्यांकन नै नगरी पप्पु कन्सट्रक्सनलाई ५० प्रतिशत १४ करोड रुपैयाँ समेत भुक्तानी दिइसकेको छ।
सिराहा र सप्तरी जोड्ने बलान नदीको पुलको निर्माण कार्य समेत अधुरो अवस्थामा छ।
पप्पुुले पुल निर्माणको काम अलपत्र पारेपछि धनुषा, सिराहा र सप्तरीको लाइफ लाइन मानिएको हुलाकी सडक नै अवरुद्ध रहेको छ।
सरकार कै लापरबाहीका कारण ‘पप्पु’ले पुल निर्माण कार्य अलपत्र पारेकोसंघर्ष समितिका संयोजक तथा नयाँ शक्ति पार्टी नेपालका नेता रामरिझन यादवले आरोप लगाए।
यादवले ६ महिनाभित्र पुल निर्माणको काम सम्पन्न नभए अर्को कम्पनीसँग ठेक्का सम्झौता गर्न माग गरेका छन्।
यस्तै, रिले अनसनमा ऐक्यवद्धता जनाएका प्रदेश–२ सरकारका उद्योग, पर्यटन, वन तथा वातावरण राज्यमन्त्री सुरेश मण्डलले निर्माण कम्पनीलाई कारबाही गरी नयाँ ढंगले काम सुरु गर्नुपर्ने बताए।
यता, कमला नदी पुल निर्माणका इन्चार्ज जामुन यादवले सम्झौताअनुसार सरकारले रकम निकासा नगर्दा समय लागेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
