काठमाडौं– लैनचौरस्थित म्हेपीमा आइतबार बिहान डान्सर युवती कसले लैजाने भनी दुई युवाबीचको विवादपछि गोली चलेको प्रहरीको अनुसन्धानबाट खुलेको छ।
ठमेलको हुक्का बारमा नाच्ने एक युवतीको विषयमा युवाहरुबीच विवाद हुँदा गोली चलेको प्रहरीले प्रत्रकार सम्मेलन गरी जानकारी गराएको हो।
ठमेलस्थित डिस्कोबाट सुरुमा डान्सर युवती कल्याण गुुरुङसँग जान तयार भएकी थिइन्। लगत्तै असुन गुरुङले प्रस्ताव गरेपछि उनी आश्विनसँगै जान तयार भइन्। आफूसँग जान तयार भएको केटी लगेको भन्दै कल्याणले पछ्याएपछि असुनले गोली हानेको प्रहरीको अनुसन्धानमा देखिएको छ।
‘एउटा कारमा दुई युवती र एक युवक निस्किएका थिए। लगत्तै उनीहरुलाई तीन वटा स्कुटीमा ६ युवाले पिछा गरेर गोली प्रहार गरे। लैनचौर चोकमा पुगेपछि ती ६ युवाले गाडी रोक्ने प्रयास गरे। सोही क्रममा गाडीमा रहेका युवकले गोली प्रहार गरे,’ प्रहरीको अनुसन्धानमा भनिएको छ। खुट्टामा गोली लागेका कल्याणको त्रिवि शिक्षण अस्पतालमा उपचार भइरहेको छ।
बिहान पौने ४ बजेको समयमा स्कुटरमा सवार गोरखा लाप्राकका कल्याण गुरुङमाथि गोली प्रहार भएको थियो।
घटनामा संलग्न असुन गुरुङसहित पाँच जना पक्राउ परेका छन्। उनी सवार कारसमेत प्रहरीले नियन्त्रणमा लिएको छ। घटनाको थप अनुसन्धान भइरहको महानगरीय प्रहरी वृत्त लैनचौरका डिएसपी दीपक पोखरेलले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770103362.jpg)
-1764146706.png)
