जनकपुर– नेपाल जेसिजको ४५ औं केन्द्रीय महाधिवेशन आजदेखि जनकपुरमा सुरु हुँदै छ।
महाधिवेशन पौष १० गतेसम्म चल्ने आयोजक समितिले जनाएको छ।
जनकपुरको तिरहुतिया गाछीमा हुन लागेको महाधिवेशनको उद्घाटन पूर्व राष्ट्रपति डा. रामवरण यादवले गर्ने महाधिवेशनका संयोजक सन्तोस साहले बताए।
महाधिवेशन मार्फत नेपाल जेसिजको नयाँ नेतृत्व चयन गर्नुपूर्व उम्मेदवारहरुको प्रशिक्षण, गोष्ठी, वक्तृत्वकला लगायतका कार्यक्रम गरिने र यस अवसरमा ‘वैदेही’ नामाकरण गरिएको स्मारिका समेत प्रकाशित गर्ने तयारी रहेको उनले जानकारी दिए।
महाधिवेशनमा सामाजिक, सांस्कृतिक लगायतका क्षेत्रमा योगदान पुर्याएका मुलकभरबाट १० जना युवालाई पुरस्कृत समेत गरिने उनले जानकारी दिए।
महाधिवेशनमा सहभागी हुन पूर्व मेचीदेखि पश्चिम कञ्चनपुरबाट करिब दुई हजार जेसीजका प्रतिनिधि जनकपुर पुग्दैछन्।
जनकपुरले यसअघि सन् १९७७ मा तेस्रो, १९९३ मा २० औं र २००३ मा ३५ औं महाधिवेशनको आयोजना गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
