जनकपुर–जनकपुरमा भोलिदेखि अन्तर्राष्ट्रिय मैथिली सम्मेलनको आयोजना हुँदैछ।
‘अन्तर्राष्ट्रिय मैथिली सम्मेलन’ नामक संस्थाको आयोजना र मैथिली साहित्य उत्सव समाजको सह–आयोजनामा ७ र ८ गते हुने बताइएको छ।
सम्मेलनमा मैथिली भाषा, साहित्य र संस्कृतिबारे छलफल गरिने सम्मेलनका संयोजक रामभरोस कापडीले बताए।
कापडीले सम्मेलनमा मैथिली तथा भोजपुरी साहित्यमा योगदान दिएका व्यक्तित्वहरुलाई मिथिला रत्न, मिथिला श्री, अन्तराष्ट्र्रिय सदभावजस्ता सम्मानबाट सम्मानित गरिने बताए।
उनका अनुसार मैथिली तथा नेपाली गायनमा ख्याति कमाएका रमा मण्डल, मैथिली भाषामा पहिलो पटक जनकपुरमा नाटक सुरु गरेका स्वर्गीय योगेन्द्र साह नेपाली र भारत विहार लदनीयाका डा जयनारायण यादवलाई मिथिला रत्नले पुरस्कृत गर्ने कार्यक्रम रहेको छ।
यसैगरी भोजपुरी साहित्यमा दखल राखेका बिहार पटनाका गोपाल अस्कलाई मिथिला श्री र मुम्बईका दिपक झालाई अन्तर्रा्ष्ट्रिय सद्भाब सम्मान प्रदान गरिने कापडीले बताए।
सम्मेलनकै क्रममा भाषाविद् डा।रामअवतार यादवले मैथिली भाषा, देवेन्द्र मिश्रले प्रदेश २ मा मैथिली शिक्षाको अवस्था, गोपाल अस्कले भोजपुरी भाषा साहित्य, संजय साह यात्रीले बज्जिका र तारानन्द मिश्रले प्रदेश २ मा पुरातत्वको अवस्थाबारे कार्यपत्र प्रस्तुत गर्ने बताइएको छ।
प्रदेश २ मा अनावश्यक रुपमा उठाइएको भाषा सम्बन्धी विवादलाई सहजीकरण गर्न सम्मेलनले सहयोग गर्ने संयोजक कापडिले विश्वास व्यक्त गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
