डडेलधुरा– डडेलधुरामा घरभित्रै आगो बालेर सुत्दा निसस्सिएर छोराको मृत्यु भएको छ भने आमा बेहोस भएकी छन्। बैतडी जिल्ला मेलैली नगरपालिका–२ बस्ने अन्दाजी १३ वर्षीय विनोद भट्टको गएराति मुत्यु भएको जिल्ला प्रहरी कार्यालय डडेलधुराले जनाएको छ।
अमरगढी नगरपालिका–५, डडेलधुराको पेन्सिया एकेडेमीमा केयरटेकरको रुपमा कार्यरत मृतक विनोदकी आमा हिरा भट्टको अवस्था गम्भीर रहेको जिल्ला प्रहरी कार्यालय, डडेलधुराले जनाएको छ। घाइते हिरालाई बिहीबार बिहान उपक्षेत्रीय अस्पताल डडेलधुराले धनगढी रेफर गरेको बताएको छ।
जाडोका कारण कोठाभित्र कराइमा कोइला बालेर सुतेका उनीहरु आज (बिहीबार) बिहान निसास्सिएर बेहोस भएको अवस्थामा फेला परेपछि उपचारका लागि उपक्षेत्रीय अस्पताल पुर्याइएको थियो। विनोदको अस्पताल ल्याउनु करिब ६ घण्टा अगाडि नै मृत्यु भएको पोष्टमार्टम रिपोर्टमा उल्लेख छ।
विनोद डडेलधुरा सदमुकाम नजिकै रहेको बैजनाथ मावि मौरोडामा कक्षा ६ मा अध्ययनरत थिए। मृतक विनोदका बुवा रोजगारीको सिलसिलामा विदेशमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
