काठमाडौं– निर्मला पन्तको हत्या अनुसन्धानमा प्रहरीले लापरबाही गरेको भन्दै प्रहरीकै भूमिकामाथि छानबिन गर्न गठित समितिले प्रतिवेदन बुझाएको छ। एआइजी बस्न्यातको टोलीले सोमबार आइजिपी सवेन्द्र खनाललाई प्रतिवेदन बुझाएको हो।
कञ्चनपुरकी १३ वर्षीया बालिका पन्तको अनुसन्धानमा प्रहरीले लापरबाही गरेको भन्दै चर्को विरोध भएपछि प्रहरी प्रधान कार्यालयले एआइजी धिरु बस्न्यातको नेतृत्वमा एक टोली गठन गरिएको थियो।
प्रतिवेदनमा प्रहरीको भूमिका, कमीकमजोरी लगायतका कुराहरु समेटिएको जनाइएको छ। यो प्रतिवेदन प्रहरीको आन्तरिक कामकारबाहीका लागि मात्र हुने भएकाले बाहिर सार्वजनिक नगरिएको प्रहरी स्रोतले जानकारी दियो।
प्रतिदेनमा केही प्रहरीले गम्भीर गल्ती गरेको भन्दै कारबाहीका लागि समेत सिफारिस गरिएको बुझिएको छ। साउन १० गते घरबाट साथीको जान्छु भनेर निस्किएकी बालिका पन्त पन्त भोलिपल्ट उखुबारीमा मृत भेटिएकी थिइन्। उनका हत्यारा अहिलेसम्म पत्ता लाग्न सकेको छैन।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।