बैतडी– बैतडीको दशरथचन्द नगरपालिकाले नगरक्षेत्रमा पाँच दर्जनभन्दा बढी सडक सौर्यबत्ती जडान गरेको छ।
रातिको समयमा सडकमा अँध्यारो नहोस् र आपराधिक क्रियाकलाप नियन्त्रणमा सहयोग पुगोस् भन्ने उद्देश्यले नगरपालिकाले सौर्यबत्ती जडान गरेको हो।
आर्थिक वर्ष २०७२/७३ देखि हालसम्म ६७ वटा सडक सौर्यबत्ती जडान गरिएका नगरपालिकाका इञ्जिनियर जय सिंह बोहराले जानकारी दिए।
सदरमुकाम क्षेत्रका बजारहरु गढी, गोठलापानी, शाहिलेकमा गत वर्ष नै सौर्यबत्ती जडान गरिएका थिए भने देहिमाडाैं बजार र त्रिपुरासुन्दरी क्षेत्रमा चालू आवमा सौर्य बत्ती जडानको काम भएको हो।
दशरथचन्द नगरपालिकाले करिब ७० लाखको लगानीमा उक्त मात्रामा सडक सौर्य बत्ती जडान गरेको हो।
विद्युत्भार कटौतीका समस्या नहुने र वैकल्पिक ऊर्जाका स्रोतहरुलाई प्रयोग गर्ने उद्देश्यका साथ नगरपालिकाले सडक सौर्यबत्ती जडान गरेको नगरप्रमुख नरेन्द्र सिंह थापाले बताए।
आगामी दिनहरुमा सडक सौर्यबत्ती जडान कार्य नगरक्षेत्रका अन्य ठाउँमा पनि जडान गरिने बताइएको छ।
सडक सौर्यबत्ती जडानले नगरक्षेत्रका बासिन्दालाई निकै सुविधा भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
