इनरुवा– सुनसरीको कोशी गाउँपालिका–७ हरिपुरमा गत मंसिर २४ गते प्रहरी र हतियारधारी समूहबीच दोहोरो गोली हानाहानको घटना मारिएकाको आज सनाखत भएको छ।
भिडन्तमा मारिएका सप्तरी हनुमान नगर कङ्कालीनी नगरपालिका–१३ स्थायी घर भई हनुमान नगर कङ्कालीनी नगरपालिका–८ जोगिनिया बस्ने ४० वर्षीय नसरुल मियाँ रहेको सुनसरीका प्रहरी नायब उपरीक्षक ज्ञानेन्द्रबहादुर कार्कीले जानकारी दिए।
प्रहरीले मृतक भारतीय भएको बताएका थिए तर मृतकको आज सनाखत भएपछि त्यो नेपालीनै भएको खुलेको छ। मृतक नसरुल अखिल जनतान्त्रिक तराई मुक्ति मोर्चा (विवेक समूह)को केन्द्रीय सदस्यसमेत रहेको मोर्चाले दाबी गरेको छ।
यता मोर्चाले दोहोरो गोली हानाहानमा मृत्यु भएका व्यक्ति आफ्ना केन्द्रीय सदस्य भएको बताएको छ।
मृतक नसरुलमाथि सुनसरी र सप्तरीमा विभिन्न मुद्दासमेत रहेको सुनसरीका प्रहरी नायब उपरीक्षक फुयाँलले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
