काठमाडौं– मलेसियन निजी हवाई सेवा प्रदायक कम्पनी एयर एसियाको नेपाल प्रतिनिधिमा हरिमान लामाको इन्सेन्टिभ्स टुर्स एन्ड ट्राभल प्रालि थियो। उनै लामाको ट्राभलले त्रिभुवन अन्तर्राष्ट्रिय विमानस्थल कार्यालयलाई लामो समयदेखि विमानस्थल बक्यौता रकम तिरेन।
तर उनले विमानस्थल प्रशासनसँग मिलेर करोडौं रुपैयाँका चेक गायब मात्र गरेनन्, कतिपय चेकहरु बाउन्स समेत गरेको खबर बिहिबार सार्वजनिक भयो।
नेपाल नागरिक उड्ययन प्राधिकरण स्रोतले भन्यो, ‘पैसाको हिसाबकिताब रेकर्डमा छ, तर खातामा छैन। १० वटा चेक नै गायब पारिएको रहेछ। र, १२ पटकसम्म चेक बाउन्स गरिएको रहेछ।’
चेकहरु गायब तथा बाउन्स भएका बेला विमानस्थल कार्यालयको अगुवाइ देवानन्द उपाध्यायले गर्थे।
एयर एसियाको नेपाल प्रतिनिधि बनेको लामाको कम्पनीले साँवा र जरिवानासहित झन्डै ४० करोड रुपैयाँभन्दा बढी रकम तिर्न बाँकी रहेको सूचना अघिल्लो वर्ष नै बाहिर आएको थियो। त्यसलगतै नेपाल नागरिक उड्डयन प्राधिकरणले विमानस्थल कार्यालयलाई एयर एसियाको बक्यौता असुलीका विषयमा तोकता गर्न थाल्यो।
प्राधिकरणको ताकेतापछि कार्यालयले रकम असुली गर्न भन्दै एयर एसियाको नेपाल प्रतिनिधिसँग वार्ता थाले। तर, एयर एसियाका नेपाल प्रतिनिधि हरिमान लामाले प्रतिबद्धताअनुसार रकम तिरेनन्। लामा सम्पर्क बाहिर रहे।
त्यही बीचमा विमानस्थल कार्यालयले रकम असुली गर्न नसकेपछि प्राधिकरणले देवानन्दलाई विमानस्थल कार्यालयबाट मुख्यालय, बबरमहल तान्यो। देवानन्दलाई मुख्यालयमा तानेपछि प्राधिकरणले विमानस्थल कार्यालय प्रमुखमा राजकुमार क्षेत्रीलाई पठायो।
राजकुमार क्षेत्रीको अगुवाइमा प्राधिकरणले एयर एसियाका नेपाल प्रतिनिधि लामालाई छोडेर सिधै एयर एसियाको मुख्यालय मलेसियासँग सम्पर्क गर्यो। एयर एसियाको मुख्यालयले प्राधिकरण र विमानस्थल कार्यालयले भने अनुसार नेपालबाट उडान बन्द गर्नु पूर्व साँवा २७ करोड रुपैयाँ चुक्ता गर्यो। साँवा रकम चुक्ता गर्दै एयर एसियाले जरिवाना शुल्क भने मिनाहा माग्यो। तर, प्राधिकरणले मिनाहा नहुने जवाफ पठायो।
त्यसलगतै एयर एसियाले असोज २७ गतेपछि नेपालमा उडान बन्द गर्ने निर्णय गर्यो। तर, विमानस्थल कार्यालयले असोज २७ गते नै एयर एसियाका उडानमा रोक लगायो। लगतै मलेसियन दूतावासले रकम असुलीमा सहयोग गर्ने प्रतिबद्धता गरेपछि एयर एसियाको जहाज काठमाडौंबाट मलेसिया उडेको थियो।
एयर एसियाले तिरेको रकम र बाँकी रहेको बक्यौता रकमका विषयमा प्राधिकरणले छानबिन थाल्यो। कार्यालयसँग सबै विवरण मागेर हिसाब हेर्दै जाँदा एयर एसियाले तिरेको साँवा २७ करोड रकम बाहेक पनि विमानस्थल कार्यालयलाई इन्सेन्टिभ ट्राभलका नाममा आएका १० वटा चेकमा उपलब्ध गराइएको भनिएको रकम देखिएन। हिसाबमा ७ करोड २४ लाख रुपैयाँ देखिएपनि खातामा रकम नदेखिएपछि प्राधिकरणले छानबिन थालेको हो।
‘ट्राभल कम्पनीले चेक दिएको छ, विमानस्थलका कर्मचारीले चेक बुझेको छन्’ प्राधिकरण स्रोतले भन्यो, ‘तर, चेक बैंक डिपोजिट भएको छैन।’
'चेक हराएका विषयमा अहिले छानबिन सुरु भएको छ। छानबिनले सत्यतथ्य बाहिर ल्याउला’ प्राधिकरणका महानिर्देशक सन्जीव गौतमले भने, ‘छानबिनको प्रक्रिया अघि बढाइएको छ।’
प्राधिकरणले छानबिनमा सहयोग गर्न नेपाल राष्ट्र बैंक, अपराध महाशाखा टेकु, प्रहरीको केन्द्रीय अनुसन्धान ब्युरोमा समेत उजुरी गरिेसकेको छ। त्यति मात्रै हैन, विमानस्थल कार्यालयले पेनाल्टी रकमको डेबिट नगदसमेत जारी गरेको छैन। अहिले यो रकमका विषयमा एयर एसियाले पहिले नै आफूहरूलाई किन जानकारी नगराएको भन्दै उक्त रकम नतिर्ने भनिरहेको छ। तर प्राधिकरणले हरिमान लामाको कम्पनीबाट सो रकम असुली गर्ने गरी अनुसन्धान थालेको छ।
हरिमान लामा र उपाध्यायको मिलेमतोका साथै प्रभु बैंकको समेत सहयोगमा चेक बाउन्स गर्ने र गायब पार्ने खेल भएको विमानस्थल कार्यालय स्रोतको दाबी छ। ‘हरिमान लामाको कम्पनीले प्रभु बैंकमा चेक दिँदै रकम डिपोजिट भएको भौचर विमानस्थल कार्यालयलाई बुझाउने गरेको रहेछ’ स्रोतले भन्यो।
लामाले विमानस्थल कार्यालयका नाममा उपलब्ध गराएका चेकमा रकम नभएपछि बैंकले लामाकै कम्पनीलाई चेक फिर्ता गरिदिने गरेको र वार्षिक एक अर्बभन्दा बढी कारोबार गर्ने प्राधिकरणलाई सूचना नदिने गरेको स्रोतको दाबी छ। प्रभु बैंकबाट १२ पटकसम्म चेक बाउन्स भएको छ तर प्राधिकरणलाई कुनै सूचना दिइएको छैन।
‘यी सबै विषयमा अहिले छानबिन भइरको छ’ प्राधिकरणका महानिर्देशक गौतमले भने, ‘छानबिनपछि दोषी पाइएका सबै कर्मचारीलाई हदैसम्म कारबाही हुन्छ।’
यो पनि पढ्नुहोस्ः विमानस्थलका पूर्व प्रमुख देवानन्द र व्यवसायी हरिमानको मिलेमतोमा १० वटा चेक गायब
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737343797.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
