काठमाडौं– आईसीसी टी २० विश्वक छनोट अन्तर्गत नेपालले यूएईलाई १ रनले पराजित गरेको छ ।
निकै प्रतिस्पर्धात्मक बनेको खेलमा नेपालले अन्तिम बलमा ९ औं विकेट निकाल्दै एक रनले जित हात पारेको हो ।
नेपालले दिएको १४१ रनको लक्ष्य पछ्याउने क्रममा यूएई निर्धारित २० ओभरमा ९ विकेट गुमाउँदै १३९ रनमा समेटियो । योसँगै नेपालले सुपर सिक्समा पहिलो जित निकाल्दै समूह चरण र यसमा गरी ४ अंक बटुलेको छ ।
अन्तिम ओभरमा जितका लागि युएईलाई १० रनको आवश्यक थियो । दीपेन्द्रसिंह ऐरीले उत्कृष्ट बलिङ गर्दै नेपाललाई जित दिलाए । युएईले पहिलो बलमा एक रन, दोस्रो बल डट हुँदा तेस्रो बलमा छक्का प्रहार गर्यो ।
त्यतिबेला युएईलाई जितका लागि ३ बलमा ३ रन आवश्यक थियो । चौथो, पाँचौ र छैटौं बलमा लगातार विकेट लिदै नेपालले एक रनको रोमाञ्चक जित निकाल्यो ।
नेपाललाई १ रनको जित दिलाउन ऐरीले तीन महत्वपूर्ण विकेट लिए भने उत्कृष्ट फिल्डिङ गरे । ओमनमा जारी आईसीसी टी–२० विश्वकप एसिया–इस्ट एसिया प्यासिफिक छनोटको सुपर सिक्सको आफ्नो पहिलो खेलमा नेपालले विजयी सुरुवात गरेको हो ।
नेपालले दिएको १४१ रनको लक्ष्य पछ्याएको युएई २० ओभरमा ९ विकेट गुमाएर १३९ रन मात्र बनाउन सक्यो । अन्तिम ओभरमा यूएईलाई जितका लागि १० रन चाहिएको थियो । ओभरमा एउटा छक्का निकाल्न सफल भएता पनि यूएई लक्ष्यसम्म पुग्न सकेन । पहिलो बलमा एक रन दिएका दिपेन्द्रले दोस्रो बल डट राखे ।
तेस्रो बलमा छक्का प्रहार गर्दै युएई जितनजिक देखियो । अब युएईलाई जितका लागि ३ बलमा ३ रनमात्र आवश्यक थियो । चौथो, पाँचौ र छैटौं बलमा लगातार विकेट लिदै नेपालले एक रनको रोमाञ्चक जित निकालेको हो । चौंथो बलमा दीपेन्द्रले क्याचआउट गराए भने पाचौं र छैटौं बलमा ब्याटरहरु रनआउट भए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
