दाङ– तुलसीपुरको एक जुत्ता पसलमा आगलागी भएको छ। तुलसीपुर–५ वीरेन्द्र चोक नजिक रहेको भीमप्रसाद घिमिरेको घरमा रहेको जुत्ताको होलसेल पसलमा आगलागी भएको प्रहरीले बताएको छ।
शुक्रबार बिहान सवा ६ बजेदेखि सुरु भएको आगलागी नियन्त्रणमा आउन नसकेको इलाका प्रहरी कार्यालय तुलसीपुरका प्रहरी नायव उपरीक्षक प्रेमबहादुर शाहीले बताए। उनका अनुसार आगो नियन्त्रणका लागि तुलसीपुर उपमहानगरपालिकाको दमकल, प्रहरी, सशस्त्र प्रहरी, नेपाली सेना र स्थानीय खटिएका छन्।
तीन तलाको घर र घरभित्र रहेका सम्पूर्ण समाना पूर्ण रुपमा जलेर नष्ट भएको छ। आगलागी भएको समयमै थाहा पाएपछि घरमा भएका सबै मानिस बाहिर निस्किएकाले मानवीय क्षति नभएको प्रहरी नायव उपरीक्षक शाहीले बताए।
घर पूर्ण रुपमा क्षति भएको छ। आगो नियन्त्रण आउन नसकेको र नजिक नजिक घर भएकाले अन्य घरमा पनि आगलागी हुन सक्ने भन्दै आफुहरु सतर्क रहेको प्रहरीले बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
