अङ्कारा– टर्कीको राजधानी अङ्कारामा बिहीबार भएको रेल दुर्घटनामा कम्तिमा चार व्यक्तिको मृत्यु हुनुको साथै ४३ घाइते भएका छन्।
गुडिरहेको रेलले मर्मत कार्य गर्ने अर्को रेलको इन्जिनलाई ठक्कर दिएपछि दुर्घटना भएको रेल अधिकारीले बताएका छन्।
एकै रेल लाइनमा दुई इन्जिन जुधेर भएको सो दुर्घटनाबाट चार सर्वसाधारणको मृत्यु हुनुका साथै ४३ घाइते भएको अङ्कारा राज्य गभर्नर भसिप साहिलले जानकारी दिए।
सरकारले उक्त दुर्घटनाका बारेमा अनुसन्धान सुरु गरेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।