सानो पर्दाका चर्चित भारतीय कमेडियन कपिल शर्माले विवाह गरेका छन्। उनले गिन्नी चतरथसँग लुधियानाको कबाना रिसोर्टमा विवाह गरेका हुन्।
कपिलले गिन्नीसँग विवाह गरेको तस्बिर सामाजिक सञ्जालमा सार्वजनिक गरेका छन्।
कपिल र गिन्नीको विवाहमा दुलाहा–दुलहीका नातेदार र साथीहरु सहभागी भएका थिए। टेलिभिजनको दुनियाँमा काम गर्ने कृष्ण अभिषेक, सुदेश लहरी, भारती सिंह, सुमोना चक्रवर्ती उनीहरुको विवाहमा सामेल भएको बताइएको छ।
कपिलले छिट्टै नै मुम्बईमा विवाहको पार्टी दिनेछन् र सो पार्टीमा बलिउडका सेलिब्रेटीहरुको सहभागिता रहने समाचारमा जनाइएको छ।
'कमेडी नाइट्स विथ कपिल'बाट पहिचान बनाएका कपिलका पछिल्ला केही महिना भने राम्रा रहेनन्। उनको शो भन्द भयो, सहकर्मी सुनिल ग्रोबरसँग झगडा भयो। नशामा चुर भएर समय बिताउन थाले र उनको वजन बढ्यो।
यस्ता अनगिन्ती समस्यामा रहेका कपिललाई गिन्नीले साथ दिइन्। र, उनै गिन्नीसँग कपिलले विवाह गरे। – एजेन्सी
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।