काठमाडौं– स्वास्थ्य सवैको प्राथमिकतामा रहनुपर्ने विषयमा जनचेतना फैलाउन युवा स्वयंसेवीहरुको समूह ‘वेलनेस टिम’ले हरेक घर, एक फर्स्ट एड बक्सको अवधारणा अघि सारेको छ । सामान्य स्वास्थ्य समस्याको समाधान घरमै गर्न सकिने भन्दै हरेक घरमा उक्त बक्स अनिवार्य राखिनुपर्ने विषयमा टिमले चेतना फैलाउनेछ।
सिन्धुपाल्चोकको खाडीगाउँमा निःशुल्क फस्र्ट एड बक्स वितरण गरेर कार्यक्रमको सुरुवात गरिने जानकारी टिमकी अध्यक्ष नर्स नीतु खड्काले दिइन्। देशभरि फैलाउन लक्ष्य लिएको हरेक घर एक फस्र्ट एड बक्स कार्यक्रम नेपाली सहयोगीबाट सहयोग लिएर नेपालीलाई सहयोग गर्ने बताइएको छ।
खाडीगाउँका लागि अध्यक्ष खड्का आफैंले दैनिक खर्चबाट जोगाएको रकम र अष्ट्रेलियन कन्सल्टेन्सीको सहयोगमा किनिएको हो। आगामी दिनमा फस्र्ट एड बक्स किन्न सक्नेलाई विक्री गर्ने र त्यसबाट उठेको रकमबाट किन्न नसक्नेलाई निःशुल्क वितरण गर्ने टिमको लक्ष्य छ । दोस्रो चरणमा बागलुङमा फस्र्ट एड बक्स वितरण गरिनेछ भने विस्तारै विभिन्न जिल्लामा कार्यक्रम गर्ने बताइएको छ।
फस्र्ट एड बक्स कार्यक्रमको मुख्य लक्ष्य स्वास्थ्य सम्बन्धि न्युनतम जानकारी दिनु रहेको नर्स खड्काले बताइन् । उनले भनिन्, ‘हामी फस्र्ट एड बक्समा रहेका सामाग्रीको प्रयोग कसरी गर्ने भनेर सिकाउनेछौं । साथै स्वास्थ्य सम्बन्धि अन्य जानकारी समेत दिनेछौं।’
बीपीडब्लु इन्टरनेशनलकी योङ बीपीडब्लु प्रतिनिधी नीलिमा बस्नेतले सामाजिक सेवामा युवाहरुको संलग्नता प्रभावकारी हुने बताइन्। वेलनेस टिमले चालेको कदममा ऐक्यबद्धता जनाउँदै राम्रो कामका लागि नेपालमै सहयोगी भेटिने बताइन्। बीपीडब्लु नेपालकी प्रतिमाया पुनले नर्स नीतुको टिमले गर्न लागेको कामको प्रशंसा गरिन्। फस्र्ट एड बक्सका लागि सहयोग गर्ने अष्ट्रेलियन कन्सल्टेन्सीका सञ्चालक होम दवाडीले समाज सेवामा आफूलाई खुशी मिल्ने बताउँदै सहयोगका लागि सदा तयार रहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1766648928.png)
