काठमाडाैं– आइएनजिओको कार्यक्रममा मन्त्रीलाई ‘तपाई किन उपश्थित भएको’ भनेर प्रश्न गर्दा २ जना बालअधिकार अभियन्ता पक्राउ परेका छन्।
शनिबार एसओएस चिल्ड्रेन भिलेज भक्तपुरमा सेभ द चिल्ड्रेन, युनिसेफ र प्लान इन्टरनेशनल लगायतका आइएनजिओले आयोजना गरेकोे ‘अल्टरनेटिभ कियर’को कार्यक्रममा महिला बालबालिका तथा जेष्ठ नागरिक मन्त्री थममाया थापा मगर प्रमुख अतिथि थिए।
यसभन्दा अघि पनि आइएनजिओले गरेका थुप्रै कार्यक्रम विथोलिसकेका बाल अधिकार अभियन्ता धीरज जोशी र प्रविन सिलवालले मन्त्रीलाई प्रश्न गर्दा उनीहरूलाई प्रहरीले शनिबार साँझसम्म नियन्त्रणमा लिएको हो।
कार्यक्रममा मन्त्री थापा बोल्ने क्रममा ‘मन्त्री ज्यू, यहाँ तपाईले बोल्नु हुँदैन नबोल्नुस् , हामी तपाईंलाई बिन्ती गर्छौँ’ भनी उनीहरूले अनुरोध गरेका थिए।
कार्यक्रमलाई हस्तक्षेप गरेको भन्दै प्रहरीले पक्राउ गरी तत्काल उनीहरूलाई नियन्त्रणमा लिएको थियो।
साँझ रिहाइ भएलगत्तै उनीहरूले 'बालबालिका सम्बन्धी विधेयक २०७५' नसच्चिएसम्म आफूहरूले आन्दोलन जारी राख्ने बताए।
अभियन्ता धीरज जोशीले बालबालिकाको नाममा कयौं ब्रम्हलुट गर्ने आइएनजिओलाई सरकारले साथ दिनु दुःखद् कुरा भएको भन्दै गुनासो गरे।
बाल अधिकारको निम्ति अब आन्दोलनको विकल्प नरहेको भन्दै यसरी आफूहरूलाई बाध्य पार्ने काम सरकारले गरिरहेको आरोप लगाए।
अभियन्ता सिलवालले मन्त्रीलाई अनुरोध गर्दा आफूहरूलाई अपमान गर्दै हलबाट बाहिर निकालेकोमा गुनासो पोखे। ‘हामीले मन्त्री ज्यूलाई आइएनजिओको कार्यक्रममा तपाईले बोल्ने होइन। सरकारले कार्यक्रम आयोजना गरोस्। नेपालका बालबालिकाको ठेक्का आइएनजिओको होइन भनेर अनुरोध गरेका हौँ,’ अभियन्ता सिलवालले भने।
मन्त्री थापाले ऐन संशोधन नभएसम्म कतै जाँदिन भनेर प्रतिवद्धता जनाए पनि आफैं आइएनजिओको कार्यक्रममा बोल्दै हिँडेको आरोप सिलवालको छ।
नीति बनाउन छाडेर पुरानै शैलीमा भाषण गर्दै जानु उचित नभएको उनले बताए।
उनीहरूले यसअघि पनि रक्षामन्त्री ईश्वर पोखरेल उपश्थित भएको कार्यक्रममा 'बालबालिका सम्बन्धी विधेयक' बालबालिकाकै अहितमा भएको भन्दै विधेयक च्यातेका थिए।
सोही अभियोगमा अभियन्ता सिलवाल यसअघि पनि पक्राउ परेका थिए।
याे पनि पढ्नुहाेस् :
कार्यक्रम हलमै पुगेर युवाहरूको हस्तक्षेप, ब्यानर काट्दै दिए चेतावनी
बालबालिकासम्बन्धी विधेयकविरुद्ध युवाहरू आन्दोलित, किन च्यातियो विधेयक र ब्यानर?
विधेयक च्यातेकाे अभियाेगमा बाल अधिकार अभियन्ता सिलवाल पक्राउ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
