डोटीमा बस दुर्घटना : मृतक ३ जना एकै गाउँका

ब्लग

नेपाल लाइभ बिहीबार, कात्तिक २, २०७४ १२:१४

डोटी- डोटीको बड्डीकेदार गाउँपालिका–२ खड्यौलीमा आज बिहान बस दुर्घटना हुँदा तीन जनाको मृत्यु भएको छ । घटनामा १८ जना घाइते भएका छन्।

मृतक तीनै जना बड्डीकेदार गाउँपालिका–४ का बासिन्दा रहेका छन् । मृत्यु हुनेमा बड्डीकेदार गाउँपालिका–४ का ३५ वर्षीया मीनादेवी पुनमगर, ४५ वर्षीय जगदीश चन्द तथा लोकेन्द्र जेठाराकी तीन वर्षीया छोरी पुष्पा जेठारा रहेको उद्धारमा खटिनुभएका ट्राफिक प्रहरी कृष्ण भण्डारीले जानकारी दिए।

घाइतेहरुलाई उपचारका लागि कैलालीको धनगढी पठाइएको छ । घाइतेमध्ये पाँचजनाको अवस्था गम्भीर छ।

इलाका प्रहरी कार्यालय बिपीनगर, ट्राफिक प्रहरी र स्थानीय बासिन्दाले घाइतेहरुको उद्धार गरेका थिए।

बर्छेनबाट धनगढीतर्फ जाँदै गरेको सुदूरपश्चिम यातायातको ना ३ ख ५६४८ नम्बरको बस सडकबाट करिब एक सय मिटर तल खसेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु