काठमाडौं– विवादास्पद संस्था युनिभर्सल पिस फाउण्डेसन (यूपीएफ)बाट प्रधानमन्त्री केपी ओलीले सम्मान थापेकोमा विवेकशील साझाका प्रमुख रवीन्द्र मिश्रले असन्तुष्टि जनाएका छन्।
सोमबार एक ट्विट गर्दै मिश्रले भनेका छन्– प्रधानमन्त्रीज्यु, यो सम्मान होइन, अपमान हो! तपाई हामी सबैको प्रधानमन्त्री - जसले जे पुरस्कार दियो, त्यसैका लागि शिर नुहाउने? धर्म प्रचारकले दिएको पुरस्कार थाप्ने?
यूपीएफले प्रधानमन्त्री केपी ओलीलाई आइतबार एक लाख राशीको ‘लिडरसिप एन्ड गुड गभर्नेन्स अवार्ड’ प्रदान गरेको थियो।
विवादास्पद र क्रिश्चियन धर्म प्रचारक संस्थाबाट पुरस्कार ग्रहण गरेको भन्दै प्रधानमन्त्री ओलीप्रति सामाजिक सञ्जालमा असन्तुष्टि व्यक्त भइरहेका छन्। असन्तुष्टि जनाउनेमा नेकपाकै नेताहरु पनि छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
