गैैसस महासंघका दार्चुला अध्यक्षले कीर्ते गरेर रकम झिकेको खुलासा

ब्लग

नेपाल लाइभ बुधबार, कात्तिक १, २०७४ २०:२७

दार्चुला- राष्ट्रिय वाणिज्य बैंक दार्चुला शाखा कार्यालयबाट खातावालको दस्तखत कीर्ते गरेर रकम झिकेको तथ्य खुलेको छ।

राष्ट्रिय निर्वाचन पर्यवेक्षण समिति (नियोक)को खाता नं २२३९ बाट निवर्तमान अध्यक्ष नारायण जोशीले सचिव कमलराज जोशीको कीर्ते दस्तखत गरी रकम झिकेका हुन् । शोभा अवस्थीको नाममा खिचिएको चेक भदौ २१ गते साटिएको पाइएको छ । उक्त चेकको रकम १९ हजार ८०० रहेको छ ।

सोही दिन आठ हजार र २२ हजार ५०० का अन्य दुई वटा चेकसमेत साटिएका छन् । तर उक्त दुवै चेकमा भने सचिव जोशीले दस्तखत गरेको बताइएको छ।

नियोकका नामले सञ्चालित उक्त खाता अध्यक्ष र सचिवको संयुक्त दस्तखतबाट सञ्चालित थियो । कीर्ते दस्तखत गरी खाताबाट रकम झिकेको आफूलाई डेढ महिनापछि मात्र थाहाभएको सचिव जोशीले बताए।

नियोकलाई स्वेच्छाचारी, एकलौटी एवं मनोमानी ढंगले सञ्चालन गर्दै आइरहेको आरोप उनीमाथि छ । उनी गैैरसरकारी संस्था महासंघका जिल्ला अध्यक्षसमेत हुन् ।

खाताबाट रकम झिकेकोबारे थाहा पाएपछि सचिव जोशीले बैंकमा गई खाताको विवरण माग्नु भएको थियो ।

यता, रावा बैंकले भने कीर्ते दस्तखत गर्ने अध्यक्ष जोशीलाई तत्काल उक्त रकम फिर्ता गर्न आग्रह गरिएको बैंकका शाखा प्रबन्धक त्रिचन्द्र भण्डारीले जानकारी दिए। अध्यक्ष जोशीले आफू नेपालगन्जमा रहेको र यही कात्तिक ५ गते सोही खातामा रकम फिर्ता गर्ने वचन दिएको बैंकले जनाएको छ । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु