राजविराज– नेपाल सरकारका महान्यायाधिवक्ता अग्नि खरेलले जनताको आवश्यकता र औचित्यका आधारमा संविधान संशोधन हुन सक्ने स्पष्ट पारेका छन्।
_x000D_
_x000D_
मुख्य न्यायाधिवक्ताको कार्यालय प्रदेश–२ द्वारा शुक्रबार राजविराजमा आयोजित ‘न्यायिक समितिका पदाधिकारीहरुको क्षमता विकास सम्बन्धि प्रशिक्षण’ मा सहभागी भएका खरेलले सो कुरा बताएका हुन्।
_x000D_
_x000D_
संविधान संशोधनको विषयलाई वेवास्ता गरेको भन्दै राष्ट्रिय जनता पार्टी, नेपालले सरकारलाई दिएको समर्थन फिर्ता लिने चेतावनी दिइरहेका बेला खरेलले संविधान संशोधनका विषयमा यस्तो धारणा सार्वजनिक गरेका हुन्।
_x000D_
_x000D_
राजपाले तिहार र छठपर्व लगत्तै समर्थन फिर्ता लिने जनाउँदै सरकारलाई ज्ञापनपत्र समेत बुझाएको थियो।
_x000D_
_x000D_
संविधानले सबैखालका जात, धर्म, भाषा, संस्कृति र सबै खालका समुदायका मानिस अटाउन सक्ने व्यवस्था गरेको खरेलको दाबी छ।
_x000D_
_x000D_
संविधानले जनताका अधिकार सुनिश्चित गरेको बताएका उनले थपे, ‘संविधानमा जनताका अधिकार सुनिश्चित गरिएको छ, जनतालाई सेवा सुविधा दिने गरी तल्लो वर्ग र समुदायका मानिसको पहुँच पुग्ने गरी संविधान लेख्ने प्रयास गरिएको छ।’
_x000D_
_x000D_
_x000D_
_x000D_
मुख्य रुपमा संविधान सभाले बनाएको संविधान जनताको संविधान भएको बताएका खरेलले भने 'यदि कमजोरी रहेछन भने सच्याउन सकिन्छ। यो संविधानमा कमजोरी छैनन् म भन्दिन, हुनसक्छ।’
_x000D_
_x000D_
राजनितिक दलका सहमतिमा बनेको हुनाले केही चिज तलमाथि भएको हुनसक्ने बताउँदै उनले सच्याउन सकिने धारणा राखे।
_x000D_
_x000D_
प्रशिक्षण कार्यक्रममा सप्तरीका ९ नगरपालिकासहित १८ वटै स्थानीय तहका न्यायिक समितिका पदाधिकारी सहभागी छन्।
_x000D_
_x000D_
प्रशिक्षणमा संयोजक र सदस्यसहित ५४ जनाको सहभागिता रहेको प्रदेश २ का मुख्य न्यायाधिवक्ता दिपेन्द्र झाले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
