काठमाडौं- काठमाडौंमा आयोजना हुने ‘एसिया प्यासफिक समिट २०१८’मा सहभागी हुन कम्बोडियाका प्रधानमन्त्री हुन सेन र म्यानमार राज्य परमर्शदाता आङ साङ सुकी नेपाल आएका छन्।
_x000D_
_x000D_
सम्मेलनमा सहभागी हुन आए पनि सेन र सुकीलाई नेपाल सरकारले नेपाल भ्रमणको औपचारिक निमन्त्रणा पठाएको थियो। सेन र सुकी दुवैलाई उप-प्रधान तथा रक्षामन्त्री ईश्वर पोखरेल विमानस्थलमा स्वागत गरेका छन्। मंसिर १४ र १५ गते काठमाडौँमा आयोजना हुने एसिया प्यासिफिक समिटमा सहभागी हुन सेन र सुकीबाहेक अरु पाँच देशका राष्ट्र/सरकार प्रमुख र उप-प्रमुख नेपालमा आउने कार्यक्रम छ।
_x000D_
_x000D_
सेन र सुकी सम्मेलनमा सहभागी हुनुका साथै नेपालको दुई पक्षीय भ्रमणमा पनि आएका हुन्। उनीहरूलाई नेपाल सरकारले औपचारिक भ्रमणको निम्ता पठाएको थियो।
_x000D_
_x000D_
यसैबीच परराष्ट्रमन्त्री प्रदीप ज्ञवालीसँग कम्बोडियाका प्रधानमन्त्री हुन सेनले दुइपक्षीय शिष्टाचार भेट समेत गरेका छन्।
_x000D_
_x000D_
_x000D_
_x000D_
नेपालमा कार्यरत आइएनजिओ युनिभर्सल पिस फेडेरेसनको आयोजनामा हुन लागेको सम्मेलनमा पहिला सरकार सह-आयोजक रहे पनि विभिन्न क्षेत्रको आलोचनापछि सरकार सह-आयोजकबाट पछि हटेको छ। सरकारले कार्यक्रमा सहयोगीको भूमिका खेल्दै छ।
_x000D_
_x000D_
सम्मेलनमा विभिन्न ४५ देशका पन्ध्र सय प्रतिनिधिहरू काठमाडौँ आउने आयोजक युनिभर्सल पिस फेडेरेसनका अध्यक्ष एकनाथ ढकालले बताए। ‘कार्यक्रम अरू देशमा पनि आयोजना हुन सक्थ्यो, नेपालमा आयोजना हुनु गौरवको कुरा हो,' उनले भने।
_x000D_
_x000D_
आइएनजिओका आयोजनामा हुने सम्मेलनमा सरकार किन सहभागी भएको भन्ने प्रश्न चौर्तफी उठेपछि एक कार्यक्रमकाबीच पूर्वप्रधानमन्त्री माधव नेपालले भने, ‘विभिन्न देशबाट सम्मेलनमा सहभागी हुन नेपाल आउने प्रतिनिधिहरूको सुरक्षा व्यवस्था, खानपान र यातायातको व्यवस्था मात्रै सरकारले हेर्ने हो, सरकार आयोजक होइन।’
_x000D_
_x000D_
सम्मेलनमा सहभागी हुन आउने प्रतिनिधिहरूको व्यवस्थापन मात्रै सरकारले गर्ने नेपालको भनाइ थियो।
_x000D_
_x000D_
कार्यक्रम आयोजनामा करिब २० करोड खर्च हुने आयोजक युनिभर्सल पिस फेडेरेसनका अध्यक्ष एकनाथ ढकालले बताएका छन्।
_x000D_
_x000D_
युनिभर्सल पिस फेडेरेसनका संस्थापक अध्यक्ष सन म्युङ मून हुन्। उनको जन्म हाल उत्तर कोरियामा पर्ने ठाउँमा सन् १९२० मा भएको थियो। कोरियन प्रायद्वीपमा उत्तर र दक्षिण कोरियाबीच युद्ध हुँदा उनी जिसस क्राइस्टका सन्देश प्रचार गर्ने गर्थे।
_x000D_
_x000D_
त्यसअघि सन् १९३५ मा एक बिहान ध्यानमा रहेको बेला क्राइष्ट उनी सामु उपस्थित भएर आफनो अधुरो काम पुरा गर्न उनलाई आग्रह गरेको उनका आधिकारीक वेवसाइटमा उल्लेख छ। यसै क्रममा मूनले सन् १९५४ मा विश्व इसाई धर्म संरक्षणका लागि एक संस्थाको स्थापना गरेका थिए, जसको नाम ‘फ्यामिली फेडेरेसन फर वर्ल्ड पिस एन्ड युनिफिकेसन’ राखेका थिए। यसको मुख्य कार्यालय दक्षिण कोरियाको राधजानी सियोलमा रहेको थियो।
_x000D_
_x000D_
इसाई धर्मको स्वघोषित प्रचारक रहेका मून र इसाई धर्मका भ्याटिकन सिटीका पादरीबीच विभिन्न विषयमा भिन्नता रहेको छ। उनै मूनले युनिभर्सल पिस फेडेरेसनको स्थापना गरेका थिए भने यो संस्थाले इसाई धर्मलाई छुट्टै किसिमले प्रचार गर्दै आएको छ।
_x000D_
_x000D_
धर्म प्रचारकै क्रममा अमेरिकामा रहँदा कर छली गरेर अकुत सम्मत्ति आर्जन गरेको अभियोगमा उनलाई अठार महिनाको जेल सजाय पनि दिएको थियो। उनको छोरा अमेरिकामा हतियार व्यापारमा संलग्न रहेका छन्।
_x000D_
_x000D_
कम्युनिस्टको विरोध गर्ने मूनको संस्थाले नेपालमा दुई तिहाइ बहुमत सहितको कम्युनिष्ट सरकार रहेकै बेला अन्तराष्ट्रिय स्तरको सम्मेलन आयोजना गर्नुले भने सबैलाई आश्चर्य पारेको विश्लेषकहरुको भनाइ छ।
_x000D_
_x000D_
नेपालमा इसाई धर्म प्रचार र धर्म परिर्वतनमा लागेको आरोप लागेको उक्त संस्थाले नेपाल सरकारसँग मिलेर कार्यक्रम आयोजना गर्दा त्यसको उदेश्य धर्म प्रचार भएको भन्दै विरोध पनि भएको छ।
_x000D_
_x000D_
तर भारतीय जनता पार्टीका नेता विजय जोलीले यो सम्मेलनलाई इसाई धर्म प्रचारसँग जोडेर हेर्न नहुँने बताएका छन्। नेपाल लाइभसँग कुराकानी गर्दै जोलीले उनले भने, ‘यो सम्मेलनको उदेश्य इसाई धर्म प्रचार हुन्थ्यो भने भारतीय जनता पार्टी यसमा सहभागी हुने थिएन, त्यसैले यो कार्यक्रमलाई कुनै धर्म प्रचारको रुपमा बुझ्न हुँदैन।’
_x000D_
_x000D_
सम्मेलनमा सहभागी हुन तुभालुका राष्ट्रप्रमुख लाकोबा टाइडा इटालेनी, समोआका राष्ट्र प्रमुख अफिओगा टुई मालिलिफानो, नाउरका राष्ट्रपति बारोन बाकालगायतका विशिष्ट पाहुना अाउने क्रम जारी छ।
_x000D_
_x000D_
तस्बिरः रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
