जनकपुर– प्राचिन मिथिला र हाल प्रदेश २ को राजधानी जनकपुरमा रामजानकी विवाह महोत्सवको भव्य तयारी थालिएको छ।
_x000D_
_x000D_
त्रेतायुगमा भगवान राम र सीताको विवाह सम्पन्न भएको मान्यताका साथ यहाँ हरेक वर्ष उल्लास र श्रद्धापूर्वक विवाह पञ्चमीका दिन विवाहोत्सव मनाउने परम्परा रहेको छ।
_x000D_
_x000D_
यसवर्ष यही मंसिर २६ गते मनाइने रामजानकी विवाह महोत्सवलाई भव्यता प्रदान गर्न जानकी मन्दिरदेखि प्रदेश सरकार अहिले तयारीमा लागेको छ।
_x000D_
_x000D_
यस वर्ष विवाह महोत्सवमा भारत उत्तर प्रदेशका मुख्यमन्त्री योगी आदित्यनाथ सहभागी हुने भएपछि थप भव्यता दिने तयारी गरिएको छ।
_x000D_
_x000D_
जानकी मन्दिरका छोटे महन्त रामरोशन दासले दिएको जानकारी अनुसार उत्तर प्रदेशका मुख्यमन्त्री योगी जन्तीको नेतृत्व गर्दै विवाह महोत्सवमा सहभागी हुनेछन्। उत्तर प्रदेशका मुख्यमन्त्री योगीको रामजानकीको स्वयंभरमा सहभागी हुने प्रमुख कार्यक्रम रहेको महन्त दासले बताए।
_x000D_
_x000D_
यस अवसरमा भारतको अयोध्याबाट हरेक वर्ष साधुसन्तहरु जन्ती बनेर जनकपुर आउने गरेका छन्। तर, हरेक पाँच वर्षपछि विवाहोत्सवमा अयोध्याबाट विशेष जन्ती आउने परम्परा छ।
_x000D_
_x000D_
२६ मंसिरमा निजी विमानबाट बिहान १० बजे योगीको जनकपुर पुग्ने कार्यक्रम रहेको बताइएको छ। जनकपुर विमानस्थलबाट योगीको जानकी मन्दिर पुगेर पूजाअर्चनापछि रंगभूमि मैदानमा स्वयंभर कार्यक्रममा सहभागी हुने कार्यक्रम रहेको जानकी मन्दिरका महन्त दासले जानकारी दिए।
_x000D_
_x000D_
स्वयंभरपछि योगीको मधेश भवनमा आयोजना हुने सम्मान कार्यक्रममा सहभागी हुने कार्यक्रम रहेको जनाइएको छ। मधेश भवनमा मुख्यमन्त्री राउतले उत्तर प्रदेशका मुख्यमन्त्री योगीको सम्मानमा दिवा भोज आयोजना गर्ने कार्यक्रम छ।
_x000D_
_x000D_
मुख्यमन्त्री योगीसहित जन्ती बनेर आएका साधुसन्तहरुका लागि दिवा भोजको कार्यक्रम प्रदेश सरकारले राखेको छ।
_x000D_
_x000D_
उत्तर प्रदेशका मुख्यमन्त्री योगी जनकपुर आउने भएपछि प्रदेश सरकारले यस वर्षको विवाह पञ्चमीलाई थप ऐतिहासिक बनाउन जुटेको छ। प्रदेश २ का मुख्यमन्त्री लालबाबु राउतसहित भौतिक पूर्वाधारमन्त्री जितेन्द्र सोनल, विभिन्न मन्त्रालयका सचिव तथा सुरक्षा निकायका प्रमुखहरुको टोलीले रंगभूमि मैदान तथा जानकी मन्दिर परिसर लगायतका स्थानहरुको स्थलगत निरीक्षण समेत गरेको छ।
_x000D_
_x000D_
मुलुक संघीयतामा गएपछि प्रदेशको राजधानी जनकपुरमा पहिलो पटक हुन लागेको रामजानकी विवाहोत्सव साताव्यापी कार्यक्रमका साथ मनाइँदै छ। विवाहोत्सवको अवसरमा सात दिनसम्म मनाइने विभिन्न कार्यक्रम जानकी मन्दिरले सार्वजनिक गरिसकेको छ।
_x000D_
_x000D_
२१ मंसिर देखि २७ मंसिरसम्म मिथिला परम्पराअनुसार विभिन्न वैवाहिक कार्यक्रमहरु जानकी मन्दिरले सार्वजनिक गरेको हो। जस अनुसार २१ गते जनकपुर नगर दर्शन, २२ गते फुलबारी लीला, २३ गते धनुषयज्ञ, २४ गते तिलकोत्सव, २५ गते मटकोर, २६ गते शुभविवाह र २७ गते विवाहोत्सवको समापनमा रामकलेबा जस्ता कार्यक्रम तय भएका छन्।
_x000D_
_x000D_
विवाह महोत्सवमा सहभागी हुन नेपाल , भारतका विभिन्न स्थानका साथै तेश्रो मुलुकबाट समेत श्रद्धालुहरु जनकपुर अाउने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
