नुवाकोट, ककनी- नेपाली कांग्रेसका जिल्ला सभापतिहरूले विधानमा भएको व्यवस्था लागू नगर्दा पार्टीमा समस्या पैदा भएको बताएका छन्।
_x000D_
_x000D_
दुई दिने भेलाका लागि नुवाकोटको ककनीमा भेला भएका जिल्ला सभापतिहरुले तहगत अधिकार प्रत्यायोजन हुनु पर्नेमा जोड दिएका छन्। आसन्न महासमिति बैठकमा प्रस्तुत गरिने विधानका लागि छलफल गर्न ककनीमा भेला भएका सभापतिहरूले समान धारणा प्रस्तुत गर्ने बताए।
_x000D_
_x000D_
देशभरबाट ककनीमा भेला भएका ६४ जिल्ला सभापतिले विधानमा संशोधन गर्नुपर्ने विषयमा बुधबार राय व्यक्त गरेका हुन्। भेलाको प्रारम्भमा विधान समितिमा रहेका दुई सदस्य ललितपुर र रोल्पाका जिल्ला सभापति क्रमशः मदन अमात्य र अमरसिंह पुनले विधानमा भएको व्यवस्था बैठकमा राखेका थिए।
_x000D_
_x000D_
भेलामा उपस्थित नवलपरासी जिल्ला सभापति विष्णु लामिछानेले सभापतिहरूलाई टिकट वितरणको क्रममा उपेक्षा गरिएको प्रति चिन्ता व्यक्त गर्दै भने, 'जिल्लामा सभापतिलाई टिकट वितरणको अधिकार दिने गरी विधानमा स्पष्ट उल्लेख हुनुपर्छ।'
_x000D_
_x000D_
उनले सभापतिलाई मनोनित गर्ने अधिकार मान्य नहुने बताए। लामिछानेले सभापतिलाई २५ प्रतिशत मनोनित अधिकार बढी भएको जिकिर गरे। केन्द्रीय समितिकै अनुपातमा पदाधिकारी संख्या पनि कायम हुनुपर्ने उनले जिकिर गरे।
_x000D_
_x000D_
धार्दिङ जिल्ला सभापति रमेश धमलाले विधानका कारण कांग्रेसकमजोर नभएको धारणा राखेका थिए। प्रत्यायोजित अधिकार कार्यान्वयन नभएर मात्र समस्या आएको उनको दाबी थियो।
_x000D_
_x000D_
पार्टी सभापतिको भेलाले समान धारणा बनाई कांग्रेस कन्द्रीय समितिलाई सुझाव दिने बताइएको छ।
_x000D_
_x000D_
_x000D_
_x000D_
ताप्लेजुङ जिल्ला सभापति लिला बोखिमले तहगत रूपमा महिला प्रतिनिधित्व सुनिश्चित हुनुपर्ने बताइन्। पदाधिकारीमा कम्तीमा एक जना महिला अनिवार्य गर्नुपर्ने बताइन्। जिल्ला सभापतिहरुको अधिकार केन्द्रले हस्तक्षेप गरेको भन्दै उनले आपत्ति जनाइन्।
_x000D_
_x000D_
जारी जिल्ला सभापति भेलामा बाँकेकी किरण कोइराला र बोखिम गरी दुई जना महिला उपस्थित भएका हुन्। कांग्रेसमा तीन जिल्ला सभापति महिला छन्।
_x000D_
_x000D_
पर्सा जिल्ला सभापति अजय कुमार द्विवेदीले सदस्यता वितरणको प्रकृतिमा विद्यमान प्रावधान नै उपयुक्त रहेको बताए। केन्द्रीय कार्य समितिमा प्रस्तुत विधानमा एक वर्ष साधारण सदस्य भई नवीकरण भएको सदस्य स्वतः क्रियाशील सदस्य हुने प्रावधान राखिएको छ।
_x000D_
_x000D_
द्विवेदीले राजनीतिक रूपमा पनि कांग्रेसको अडान स्पष्ट हुनुपर्नेमा जोड दिए। उनले हिन्दू राष्ट्रका लागि जनमत संग्रहको माग गरेका थिए।
_x000D_
_x000D_
आयोजक जिल्ला नुवाकोटका सभापति जगदीश्वर नरसिंह केसीले सभापतिहरू भेलाले गुट-उपगुट नचिन्ने दाबी गरे। उनले भने, 'केन्द्रीय समितिमा प्रस्तुत भएका फरक विचारलाई पनि समेट्ने गरि विधान पारित हुनुपर्छ।' विधान सर्व-सहमतिमा पारित गर्न नसके पार्टी थप कमजोर हुने भन्दै चिन्ता व्यक्त गरे।
_x000D_
_x000D_
विधानमाथि बुधबार जिल्ला सभापतिले राखेको धारणा समेटेर बिहीबार समान धारणा सहितको सुझाव प्रतिवेदन पारित गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
