काठमाडौं– योगदानमा आधारित सामाजिक सुरक्षा कार्यक्रमको शुभारम्भ कार्यक्रममा प्रधानमन्त्री केपी शर्मा ओलीले आफ्ना आलोचकहरुको प्रतिवाद गरेका छन्।
_x000D_
_x000D_
आज कमलादीस्थतित नेपाल प्रज्ञा प्रतिष्ठानको हलमा आयोजित कार्यक्रममा प्रधानमन्त्री ओलीले सामाजिक सुरक्षा कार्यक्रमको शुभारम्भअघि तामझाम किन भन्नेहरुलाई '(सरकार) देखिनँ भन्नेहरुलाई देखाउन' भएको जवाफ दिए।
_x000D_
_x000D_
प्रधानमन्त्रीले अबदेखि यस्ता कार्यक्रमको शुभारम्भ नौमती बाजा बजाएर गर्ने बताए।
_x000D_
_x000D_
प्रधानमन्त्री ओलीले सरकार जुम्रा मार्न र सिन्का भाँच्न नभएको बताए। 'सरकार देश बनाउन हो। त्यो काम सरकार गर्दैछ', प्रधानमन्त्रीले भने।
_x000D_
_x000D_
प्रधानमन्त्री प्रतिपक्षी नेपाली कांग्रेसप्रति पनि कडा सुनिए। केही दिनअघि कांग्रेसको तर्फबाट आएको 'सरकार कहाँ छ' भन्ने प्रश्नको जवाफ दिँदै उनले भने, 'सरकार खोज्नेहरुलाई म भन्न चाहन्छु– अझै देख्नुभएन? अब चस्मामा पावर थपिइरहनुपर्दैन। सरकार त्यतिकै देखिन्छ।'
_x000D_
_x000D_
प्रधानमन्त्रीले सरकार खोइ भनेर खोज्नेहरुलाई मजदुर र दु:ख पाएका जनतालाई सोध्न आग्रह गरे। उनले केही दिनमा आउने मेलम्चीको पानीले सरकार कहाँ छ भन्ने जवाफ दिने बताए।
_x000D_
_x000D_
उनले जता फर्कियो त्यतै सरकार देखिन थालेपछि विरोधीहरु चुप लाग्ने बताए। 'सरकार बनेको ९ महिना भइसक्यो, एयरपोर्ट किन बनेन भन्छन्', उनले भने, '९ महिनामा दुनियाँमा कहाँ एयरपोर्ट बनेको छ?'
_x000D_
_x000D_
प्रधानमन्त्रीले निराश जनता देशका लागि खतरा हुने भएकाले जनतालाई निराश हुन नदिने प्रतिबद्धता दोहोर्याए। 'जनता निराश हुनु पर्दैन। हुन दिइँदैन। यो देशमा जनताले जे चाहेको छ, त्यही भएको छ', राणा शासन फालेकोदेखि नेकपा बनेकोसम्म उदाहरण दिँदै ओलीले भने, 'विकास पनि हुन्छ।'
_x000D_
_x000D_
प्रधानमन्त्रीले सामाजिक सुरक्षा कार्यक्रम २५ वर्षअघि एमालेको अल्पमतको सरकारले सुरु गरेको वृद्धभत्ता कार्यक्रमकै नयाँ आयाम भएको बताए। 'सामाजिक सुरक्षा दायित्व र अधिकारको सम्मिश्रण हो। यो ढुकुटीबाट झिक्दै बाँड्ने होइन, ढुकुटीमा भर्दै बाँड्ने कार्यक्रम हो', प्रधानमन्त्रीले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
