काठमाडौं–पछिल्लो समय काठमाडौँ उपत्यकामा मादक पदार्थ सेवन गरी सवारीसाधन चलाउने महिलाको संख्या बढ्दै गएको छ।
_x000D_
_x000D_
महानगरीय ट्राफिक प्रहरी महाशाखाले दिएको जानकारीअनुसार आर्थिक वर्ष २०७४/७५ को तुलनामा चालु आवमा मापसे गरी सवारीसाधन हाँक्ने महिलाको संख्या बढेको पाइएको छ। आव २०७४/७५ मा ३ सय २६ महिलाले मापसे सम्बन्धी चेतनामूलक कक्षा लिएका थिए।
_x000D_
_x000D_
चालु आवको चार महिनामा मापसे गरी सवारीसाधन चलाएका ३ सय ४१ महिलाले सो कक्षा लिइसकेको महाशाखाका प्रमुख एवम् प्रहरी वरिष्ठ उपरीक्षक वसन्तकुमार पन्तले जानकारी दिए।
_x000D_
_x000D_
'पछिल्लो समय मापसे गरेर सवारीसाधन हाँक्ने महिलाको संख्या बढेको पाइयो,' उनले भने, 'महिलामा मापसे गरी सवारीसाधन चलाए पनि प्रहरीले जाँच गर्दैन भन्ने मानसिकता रहेको पाइयोे।' लेन अनुशासनतर्फ आव २०७४/७५ मा ३ हजार २ सय ५२ महिलाले चेतनामूलक कक्षा लिएका छन् भने चालु आवको चार महिनामा ७ सय ५२ महिलाले सो कक्षा लिएका छन्।
_x000D_
_x000D_
आव २०७४/७५ मा सवारी दुर्घटना गराउने २० महिलाले कक्षा लिएका थिए भने चालु आवको चार महिनामा सो कक्षा लिने महिलाको संख्या दुई रहेको महाशाखाले जनाएको छ।
_x000D_
_x000D_
यातायात व्यवस्था विभागका अनुसार हाल देशभर ३२ लाखको हाराहारीमा सवारीसाधन सञ्चालनमा छन् भने काठमाडौं उपत्यकामा मात्र झण्डै आठ लाखको हाराहारीमा सवारीसाधन सञ्चालनमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
