काठमाडौं- वैदेशिक रोजगार विभाग, वैदेशिक रोजगार कार्यालय ताहाचलमा विदेश जाने कामदारले श्रम स्वीकृतिका लागि घन्टौं लाइन बस्नु परिरहेको छ। अनलाइन प्रणालीबाट श्रम स्वीकृति जारी गर्दा पनि सेवाग्राहीको चापमा कमी आएको देखिँदैन।
_x000D_
_x000D_
कामदारका रूपमा विदेश जानुपूर्व र पुःन विदेश जाँदा श्रम स्वीकृति लिनुपर्छ। यही कामका लागि वैदेशिक रोजगार विभाग अन्तर्गतको वैदेशिक रोजगार कार्यालय, काठमाडौंमा दैनिक ३ हजारभन्दा बढी सेवाग्राहीको भीड लाग्ने गरेको छ।
_x000D_
_x000D_
श्रम स्वीकृतिका लागि कार्यालय पुगेका सेवाग्राहीको लाइन कार्यालयको गेटभन्दा धेरै परसम्म पुग्ने क्रम रोकिएको छैन। अनलाइनबाटै आवेदन दिन पाइने भएपनि कार्यालयले लाइन व्यवस्थापन गर्न सकेको छैन।
_x000D_
_x000D_
श्रम स्वीकृति लिन लागि सेवाग्राही बिहान ६ बजे नै कार्यालय पुग्ने गरेका छन्। दसैं-तिहार मनाउन स्वदेश फर्किएका युवा चाडबाड सकिए लगत्तै फर्किने भएकाले अहिले श्रम स्वीकृति लिनेको चाप बढेको कार्यलयका प्रमुख युवराज खतिवडाले बताए। कात्तिकको अन्तिम सातादेखि विभागमा दिनभर नै सेवाग्राहीको चाप बढिरहेको उनको भनाइ छ।
_x000D_
_x000D_
_x000D_
_x000D_
सेवाग्राहीको चापलाई मध्यनजर गर्दै कार्यालयले बिहान ७ बजेदेखि बेलुका ७ बजेसम्म श्रम स्वीकृति वितरण गरिरहेको खतिवडाले बताए। 'कार्यालयमा काम नभएर लाइन बढेको होइन, सेवाग्राहीको चाप बढेर भीडभाड बढेको हो। सेवाग्राहीलाई कुनै समस्या नहोस् भनेर आगामी सातादेखि टोकन प्रणाली सुरु गर्ने गरी काम गरिरहेको छौं,’ उनले भने।
_x000D_
_x000D_
हाल विभागले दैनिक रुपमा २ हजारभन्दा धेरैलाई श्रम स्वीकृति जारी गरिरहेको कार्यालयको दाबी छ।
_x000D_
_x000D_
अर्को सातादेखि टोकन प्रणाली
_x000D_
श्रम कार्यलयले आगामी सातादेखि टोकन प्रणाली सुरु गर्ने बताएको छ। अनलाइन प्रणालीबाट आवेदन लिँदा पनि लाइन कम नभएपछि टोकन प्रणाली सुरु गर्न लागिएको हो। यसपछि सेवाग्राहीको लाइन कम हुने कार्यालयको विश्वास छ।
_x000D_
_x000D_
श्रम स्वीकृतिका लागि तोकिएको मितिमा तोकिएका सेवाग्राही मात्र विभागमा आउने भएकाले कार्यालयको भीड कम हुने कार्यलय प्रमुख खतिवडाले बताए।
_x000D_
_x000D_
_x000D_
मंसिर १६ गतेदेखि टोकन प्रणालीमा श्रम स्वीकृति जारी गरिने उनको भनाइ छ। विभाग प्रमुख खतिवडाका अनुसार मंसिर १६ गतेदेखि यस्तो समस्या नहुने र श्रम स्वीकृतिको लागि आउने सबै सेवाग्राहीले सहज रुपमा श्रम स्वीकृति लिन पाउने व्यवस्था मिलाइने छ।
_x000D_
_x000D_
कर्मचारीलाई भाषाको ज्ञान नहुँदा सेवाग्राहीलाई थप सास्ती
_x000D_
कार्यालयका कर्मचारीले सेवाग्राहीलाई सा-सानो काममा पनि दुख दिने गरेको सेवाग्राहीको गुनासो छ।
_x000D_
_x000D_
कार्यालयका कर्मचारीमा रोजगारदाता देशको भाषाको ज्ञान नभएकाले सेवाग्राहीलाई बिना कारण दुख दिने गरेको आरोप लगाएका छन्। सबै कुरा मिलेको कागतजात पनि कर्मचारीले 'नोटरी गरे ल्याउनू' भन्ने गरेको उनीहरुको भनाइ छ।
_x000D_
_x000D_
रोजगारदाताले कामदारका प्रायःजसो प्रमाणपत्र सम्बन्धित देशकै भाषामा दिने तर कार्यालयका कर्मचारीमा उक्त भाषाको ज्ञान नभएकाले समस्या हुने गरेको सेवाग्राहीको गुनासो छ।
_x000D_
_x000D_
बिचौलियामाथि कडा निगारानी : कार्यालय
_x000D_
घन्टौं लाइन बसेर श्रम स्वीकृति लिनुपर्ने भएकाले आसपासका बिचौलियालाई कडा निगारानी गरिरहेको कार्यालयले दाबी गरेको छ। बिचौलियाले सेवाग्राहीलाई झुक्याएर ठग्छन् भनेर प्रहरीको सहयोगमा उनीहरूको चलखेल नियन्त्रण गर्न निगरानी बढाएको विभागको भनाइ छ।
_x000D_
_x000D_
'घन्टौं कुर्नु पर्दैन, पैसा दिए भित्रभित्रै काम गरिदिने' भन्दै कार्यालय आसपासका बिचौलियाले लाइनमा बसेका सेवाग्राहीलाई ठग्ने गरेका छन्। विगत दुई हप्तामा १० जनाभन्दा बढी बिचौलिया प्रहरीको फन्दामा परिसकेका कार्यालयले बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
