काठमाडौं– ललितपुरस्थित खोकना र बुङमतीबासीले काठमाडौं–निजगढ द्रुतमार्ग निर्माणको काम तत्काल स्थगित गराउन संसदीय समितिसँग माग गरेका छन्।
_x000D_
_x000D_
उचित मुआब्जालगायतका विभिन्न माग राखेर आन्दोलनरत खोकना र बुङमतीबासीले सो द्रुतमार्ग निर्माणको काम तत्काल स्थगित गराउन संसदीय समितिसँग माग गरेका हुन्।
_x000D_
_x000D_
सोमबार सिंहदरबारस्थित राज्य व्यवस्था तथा सुशासन समितिको बैठकमा ललितपुर महानगरपालिका–२२ का वडाध्यक्ष अमृतराज शाक्यले स्थानीय जनताको माग सम्बोधन गरेर मात्रै सो द्रुतमार्ग अगाडि बढाउने व्यवस्था गरिदिन पनि संसदीय समितिसँग माग गरेका छन्। नेवारी संस्कृतिको मूल थलोको रुपमा रहेको सो क्षेत्रका जनतालाई दबाव दिएर उनीहरुको मागसमेत सम्बोधन नगरी द्रुतमार्ग निर्माणको काम सुरु गरिएकोमा उनको आपत्ति छ।
_x000D_
_x000D_
वडाध्यक्ष शाक्यले सो द्रुतमार्गको ‘जिरो प्वाइट’ बुङमतीमा राख्न आफूहरु तयार भएपनि त्यसका लागि गरिएको सहमति कार्यान्वयन गर्न सरकारले नचाहेको आरोप समेत लगाए।
_x000D_
_x000D_
यता, खोकना क्षेत्रसमेत समेटिएको वडा नम्बर २१ का वडाध्यक्ष रविन्द्र महर्जनले स्थानीय जनतालाई 'पेलेर' मुआब्जा वितरण गरी सो द्रुतमार्ग निर्माण सुरु गरिएकोमा आपत्ति जनाए। उनले स्थानीय जनताको मागको सम्बोधन नभई सो दू्रतमार्ग निर्माणको काम अघि बढाउन नहुनेतर्फ पनि समिति र सरकारको ध्यानाकर्षण गराए।
_x000D_
_x000D_
खोकना र बुङमतीका स्थानीयले उचित मुआब्जाको व्यवस्था गर्न तथा स्थानीय सांस्कृतिक तथा पूरातात्विक महत्वको सम्पदाको संरक्षण हुने व्यवस्था गरेर मात्रै सो द्रुतमार्ग निर्माणको काम अघि बढाउन माग गर्दै विरोध प्रदर्शन गर्दै आएका छन्। स्थानीय जनताको सो मागको सुनुवाइ गर्दै राज्य व्यवस्था तथा सुशासन समितिले सो क्षेत्रको स्थलगत अनुगमनसमेत गरेको छ।
_x000D_
_x000D_
समितिकी सभापति शशी श्रेष्ठले स्थानीयको मागका सम्बन्धमा विस्तृत जानकारी लिएपछि सरकारलाई सो द्रुतमार्गको कामलाई कसरी अघि बढाउने भन्ने विषयमा आवश्यक निर्देशन दिने जानकारी दिइन्। नेपाली सेनालाई निर्माणको जिम्मेवारी दिएको सो द्रुतमार्ग खोकना र बुङमतीका स्थानीय जनताको माग सम्बोधन नगरी अघि बढाएकोमा त्यस क्षेत्रका सांसदहरुको पनि आपत्ति छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
