चितवन– नेपालका औषधि उद्योगले क्षमताअनुसार औषधि उत्पादन गर्न सकेका छैनन्।
_x000D_
_x000D_
मागको ७० प्रतिशत नेपाली उत्पादनले धान्न सक्ने भए पनि ४१ प्रतिशत मात्रै उत्पादन हुँदै आएको व्यवसायीले बताएका छन्। नेपाल औषधि उत्पादक सङ्घका केन्द्रीय अध्यक्ष दीपकप्रसाद दाहालले यहीँ उत्पादन हुने औषधि पनि प्रतिस्पर्धाका नाममा आयात गर्दा क्षमताअनुसार नेपाली उद्योगले उत्पादन गर्न नसकेको बताउँछन्।
_x000D_
_x000D_
भारतले त्यहाँका औषधि उद्योगलाई विभिन्न ३५ वटा शीर्षकमा अनुदान दिने भए पनि नेपालमा त्यो व्यवस्था छैन। जसका कारण भारतमा उत्पादित औषधि सस्तो हुने गर्दछ। दाहालले विश्वका अधिकांश मुलुकले आफ्नो देशमा उत्पादन हुने औषधिको कच्चा पदार्थ मात्रै विदेशबाट आयात गर्ने भए पनि नेपालमा त्यसो हुन नसक्दा क्षमताअनुसार उत्पादन गर्न नसकिएको दाबी गरे।
_x000D_
_x000D_
नेपालमा हाल ५३ औषधि उद्योग सञ्चालनमा छन्। १५ वटा उद्योग सञ्चालनको तयारीमा छन्। ती उद्योगमा २५ अर्ब रुपैयाँभन्दा बढी लगानी भएको सङ्घले जनाएको छ। नेपाली उत्पादनले ४१ प्रतिशत धानेको छ भने ४९ प्रतिशत भारतीय र १० प्रतिशत अन्य विदेशी मुलुकबाट औषधि आयात हुँदै आएको छ।
_x000D_
_x000D_
गत आर्थिक वर्षमा मात्रै २५ अर्ब ८१ करोड रुपैयाँको औषधि आयात भएको उनले जानकारी दिए। यहाँका उद्योगले १८ अर्ब २५ करोड रुपैयाँको औषधि उत्पादन गरेका थिए। भारतबाट मात्रै २१ अर्ब ४२ करोड रुपैयाँको औषधि आयात भएको बताइएको छ।
_x000D_
_x000D_
आव २०७२/७३ मा ४५ प्रतिशत हिस्सा नेपाली औषधिले धानेको भए पनि गत आर्थिक वर्षमा चार प्रतिशतले कमी आएको छ।
_x000D_
_x000D_
यहाँका उद्योगी कच्चा पदार्थका लागि समेत भारतमा निर्भर छन्। वर्षेनी ६ अर्ब हाराहारीको कच्चा पदार्थ भारतबाट आउने गर्दछ। दाहालले भारतले पनि ८० प्रतिशतभन्दा बढी कच्चा पदार्थ चीनबाट आयात गर्ने गरेको जानकारी दिए।
_x000D_
_x000D_
ठूलो मात्रामा ल्याउनुपर्ने भएकाले नेपालले सोझै चीनबाट कच्चा पदार्थ आयात गर्न नसकेको उनको भनाइ छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
