राजविराज– सप्तरीमा तीर्थयात्री बोकेको बस पोखरीमा खस्दा ५ जनाको मृत्यु भएको छ। घटनामा ३ दर्जनभन्दा बढी यात्रु घाइते भएको बताइएको छ।
_x000D_
_x000D_
दुर्घटनामा परी मृत्यु हुनेमा डाकनेश्वरी नगरपालिका–११ की वेचनीदेवी यादव, ६५ वर्षीय ठकनीदेवी यादव र ७० वर्षिया सिकिलदेवी साह रहेका छन्। अन्य २ जनाको पहिचान खुलिनसकेको जिल्ला प्रहरी कार्यालय सप्तरीले जनाएको छ।
_x000D_
_x000D_
घाइते भएकामध्ये धेरैको अवस्था चिन्ताजनक छ। गम्भीर घाइते भएका आधा दर्जन यात्रुलाई उपचारका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको छ भने अन्य यात्रुको राजविराजस्थित सगरमाथा अञ्चल अस्पताल, भारदह अस्पताल र हनुमानगरस्थित स्वास्थ्य चौकीमा उपचार भइरहेको डिएसपी भावेस रिमालले जानकारी दिए।
_x000D_
_x000D_
_x000D_
_x000D_
घाइते हुनेहरु अधिकांश सप्तरीको डाकनेश्वरी नगरपालिकाका रहेको खुलेको छ।
_x000D_
_x000D_
सुनसरीको वराह क्षेत्र र चतराधाम दर्शन गरेर फर्केका करिब ६० जना यात्रु बोकेको को१ख २७९९ नम्बरको बस सडक छेउमा रहेको पोखरीमा खसेर दुर्घटना भएको थियो। दुर्घटनाको कारण खुलेको छैन।
_x000D_
_x000D_
शुक्रबार बेलुका ८ बजेतिर सप्तरीको भारदह–राजविराज सडकखण्डअन्तर्गत मनसापुर चोकमा बस दुर्घटना भएको डिएसपी रिमालले जानकारी दिए।
_x000D_
_x000D_
नेपाल प्रहरी, सशस्त्र प्रहरी तथा स्थानीयको सहयोगमा घाइतेहरुको उद्दार गरिएकाे थियाे।
_x000D_
_x000D_
बस हालसम्म पनि पाेखरीभित्रै रहेकाे बताइएकाे छ।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
