काठमाडौं– सरकारले वर्षेनी राजस्व संकलनको लक्ष्य बढाउँदै लगेको छ। चालू आर्थिक वर्ष २०७५/७६ मा नै संघीय राजस्वको राजस्व लक्ष्य ३६ प्रतिशतले बढी छ।
_x000D_
_x000D_
चालू आवमा मात्र नभई विगतका आवमा सरकारले राजस्वको लक्ष्य बढाउँदै लगेको छ। यसअघि राजस्व वृद्धिको सरदर वृद्धि २० प्रतिशत थियाे।
_x000D_
_x000D_
अर्थतन्त्रको गतिविधि बढेसँगै सरकारले राजस्वको लक्ष्य बढाउँदै लगेको छ। तर, नेपालमा करमा दर्ता भएका र नियमित कर तिर्ने करदाताको हिस्सा भने निकै कम रहेको देखिन्छ।
_x000D_
_x000D_
आन्तरिक राजस्व विभागका अनुसार हालसम्म समग्रमा ६ प्रतिशत जनसंख्याले मात्र कर तिर्छन्। यो दर्तावाला करदाताको हिस्सा हो।
_x000D_
_x000D_
‘सबै जनसंख्या करमा दर्ता त हुँदैनन्,’ पूर्व अर्थसचिव शान्तराज सुवेदी भन्छन्, ‘सामान्यतयाः जनसंख्याको करिब १० प्रतिशत हिस्सा पुर्याउने स्ट्यान्डर्ड हो।’
_x000D_
_x000D_
विभागका अनुसार गत आवमा करिब १८ लाख ४ हजार ९ सय १२ करदाताले मात्र कर तिरेकाे देखिन्छ।
_x000D_
_x000D_
हाल नेपालको जनसंख्या २ करोड ९१ लाखको हाराहारीमा छ। नेपालको कुल जनसंख्याको अनुपातमा करिब ६ प्रतिशतले मात्र कर तिर्ने गरेको विभागद्धारा प्रकाशित ‘आन्तरिक राजस्व व्यवस्थापन दोस्रो रणनीतिक योजना '२०१८/१९–२०२२/२३’ मा उल्लेख छ।
_x000D_
_x000D_
विभागका अनुसार गत आवमा व्यावसायिक प्यानमा दर्ता भएका करदाताको संख्या १० लाख ३८ हजार २ सय ६६ र व्यक्तिगत प्यानमा दर्ता भएका करदाताको संख्या ७ लाख ६६ हजार ६ सय ४६ छ।
_x000D_
_x000D_
त्यस्तै, अन्तःशूल्क तिर्ने करदाताको संख्या ६५ हजार ५ सय ११ र मूल्य अभिवृद्धि कर (भ्याट) तिर्ने करदाता १ लाख ९४ हजार ५ सय ४७ छ।
_x000D_
_x000D_
राजस्वलाई कर र गैरकरमा वर्गीकरण गरिन्छ। जसमा गैरकरको हिस्सा औसतमा १० प्रतिशत छ। राजस्वको ठूलो हिस्सा करबाटै उठ्ने गर्छ।
_x000D_
_x000D_
सरकारले आगामी ५ वर्षमा १२ लाख करदाता थप्ने लक्ष्य लिएको छ। सरकारको प्रयत्न व्यावसायिक कर र रोजगारीको आय प्राप्त करदातामाथि केन्द्रित हुनुपर्ने पूर्वसचिव सुवेदी बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
