जनकपुर– प्रदेश २ का मुख्यमन्त्री लालबाबु राउतले कर्मचारीको सहयोग बिना नयाँ नेपालको अभियान सम्भव नरहेको बताएका छन्।
_x000D_
_x000D_
राष्ट्रिय योजना आयोगले आयोजना गरेको ‘दीगो विकास लक्ष्य मैत्री योजना र बजेट एवम् अनुगमन तथा मुल्यांकन र तथ्यांक प्रणाली’ सम्बन्धी प्रदेशस्तरीय कार्यशाला गोष्ठीमा उनले यस्तो बताएका हुन्।
_x000D_
_x000D_
सरकारी सेवामा सर्वसाधारणको सहज पहुँच बनाउन कर्मचारीले योगदान दिनुपर्ने राउतले तर्क गरे। कर्मचारीको मानसिकतामा सुधार नभएसम्म ‘सुखी नेपाली, समृद्ध नेपाल’को सपना पनि साकार नहुने उनको भनाइ छ।
_x000D_
_x000D_
‘जनतालाई विकासको अनुभूति गराउनुपर्छ’, उनले भने, ‘यसमा सबैले आ–आफनो स्थानबाट लाग्नुपर्छ र मिलिजुली काम गर्नुपर्छ।’
_x000D_
_x000D_
नीति र योजना अनुसार अघि बढ्दा देश विकासमा समय नलाग्ने राउतले जिकिर गरे। ‘योजना अनुसार काम नहुँदा विकास निर्माण कार्यले गति लिन सकेन’, उनले भने।
_x000D_
_x000D_
योजना आयोगलाई प्राथमिकता नदिँदा कार्यक्रमहरु परिणाममुखी बन्न नसकेको मुख्यमन्त्री राउतको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
