एजेन्सी- म्यान्मारमा रोहिंग्या मुसलमानमाथि त्यहाँको सेनाले गरेको अत्याचारले कहालीलाग्दो अवस्था निम्त्याएको अधिकारवादीहरुले बताएका छन्।
मानवअधिकार संगठन ह्युमन राइट्स वाच (एचआरडब्लू) का अनुसार, गत अगस्तको अन्त्यमा हिंसा भड्किएयता अहिलेसम्म रोहिंग्याहरुको करिब ३ सय गाउँ जलाइएको छ । एफे न्युजका अनुसार, अधिकारवादीको समूहले रखाइन प्रान्तमा स्याटेलाइट तस्बिरहरुमार्फत आंशिक तथा पूरा जलाइएका २ सय ८८ गाउँको पहिचान गरेको छ।
एचआरडब्लूको एसिया उप-निर्देशक फिल राबर्टसनले स्याटेलाइट तस्बिरहरुमा देखिएको कहालीलाग्दो अवस्थाले चार सातामा करिब ५ लाख रोहिंग्याहरुले बंगलादेश किन छाडे भन्ने प्रस्ट पार्ने बताए । उनले म्यान्मारको सेनाले रोहिंग्या समुदायका सयौं गाउँ ध्वस्त पारेको बताए।
एचआरडब्लूले करिब ९० प्रतिशत प्रभावित गाउँ मोंग्डा सहरका भएको जनाएको छ । राबर्टसनले यी क्षेत्रमा रोहिंग्याहरुलाई घरहरुमा जलाइएको छ, जबकि सोही इलाका बौद्ध समुदायको घर जस्ताको तस्तै छ । कम्तीमा ६६ गाउँलाई सेप्टेम्बर ५ पछि जलाइएको छ । यद्यपि रोहिंग्या विद्रोहीको आक्रमणपछि सरकारले अगस्त २५ देखि सुरु गरेको सैन्य कारबाही त्यसबेलासम्म समाप्त भइसकेको घोषणा गरिएको थियो।
संयुक्त राष्ट्र संघका अनुसार, हिंसापछि ५ लाख ३० हजारभन्दा रोहिंग्या म्यान्मारबाट भागेर बंगलादेश जान बाध्य भएका थिए । रखाइनमा हिंसा भड्किनु अगाडि १० लाखभन्दा बढी बस्दै आएका थिए । यस बाहेक म्यान्मारबाट ज्यान बचाएर भाग्ने कोसिसमा हजारौंले ज्यान गुमाइसकेका छन् । धेरैजसोको मृत्यु डुंगा डुबेर भएको थियो । मृत्यु हुनेमा महिला र बालबालिकाको संख्या बढी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
