काठमाडौं- निजी हेलिकोप्टर सेवा प्रदायक कम्पनी सिम्रिक एयरले नेपाल नागरिक उड्डयन प्राधिकरणको अनुमति बिना नै निजी होटलको जग्गाबाट हेलिकोप्टर सञ्चालन गरेको तथ्य खुल्न आएको छ।
_x000D_
_x000D_
सिम्रिक एयरले सेप्टेम्बर २८ देखि लुक्लास्थित ला–भिला होटलको जग्गाबाट हेलिकोप्टर सञ्चालन गरिरहेको छ। एयरले प्राधिकरणसँग आकस्मिक उडानका लागि भनेर अनुमति मागे पनि नियमित उडान गरिरहेको छ।
_x000D_
_x000D_
केही समय अघि सिम्रिक एयरले आकस्मिक उडानका लागि अनुमति मागेको नेपाल नागरिक उड्डयन प्राधिकरणका उपमहानिर्देशक राजन पोखरेले जानकारी दिए। एयरले उडान अनुमतिको लागि निवेदन दिएपनि अनुमतिको दिने निर्णय भने भइनसकेको उनको भनाइ छ।
_x000D_
_x000D_
आकस्मिक उडानका लागि एयरले उडान अनुमति माग्दा आवश्यकता अनुसार सुरक्षास्थिति मध्यनजर राखेर प्राधिकरणले अनुमति दिन पनि सक्ने पोखरेल बताउँछन्। ‘यस विषयमा के भएको हो र के गर्नु पर्ने हो भन्ने विषय छलफलको क्रममा छ’ उनले भने।
_x000D_
_x000D_
तर, लुक्ला विमानस्थल कार्यालयका एक कर्मचारीका अनुसार सिम्रिक एयरले आकस्मिक उडानको नभई नियमित उडानको अनुमतिका लागि निवेदन दिएको छ। एयर कम्पनीले दिएको निवेदनको विषयमा अहिलेसम्म लुक्ला विमानस्थल कार्यालयले पनि कुनै निर्णय गरिसकेको छैन।
_x000D_
_x000D_
एयर कम्पनीले निजी जग्गाधनी र गाउँपालिकासँग सहमति लिएको पत्र पनि लुक्ला कार्यालयमा बुझाएको छ। स्रोतका अनुसार हेलिप्याड भएकै ठाउँ नजिकबाट बिना स्वीकृति उडान गर्न मिल्दैन। तर, सिम्रिक एयरले अहिले पनि होटलको जग्गाबाटै उडान गरिरहेको छ।
_x000D_
_x000D_
कार्यालयले उडान तथा पार्किङमा लाग्ने शूल्कको बिल पनि पठाएको छ। एयर कम्पनीले बिल पाएपनि अहिलेसम्म रकम दाखिला नगरेको र गर्दिन भनेर पनि नभनेको कार्यालयको भनाइ छ।
_x000D_
_x000D_
प्राधिकरणले भने लुक्लामा हेलिकोप्टरको मुभमेन्ट बढेको भन्दै हेलिप्याडसहितको टर्मिनल भवन बनाउन लागेको छ।
_x000D_
_x000D_
यसै विषयमा सिम्रिक एयरका प्रबन्ध निर्देशक प्रेमकुमार थापासँग ‘किन प्राधिकरणको अनुमति बिना होटलका जग्गाबाट हेलिकोप्टर उडान गर्नु परेको हो’ भनेर नेपाल लाइभले प्रश्न गरेको थियो।
_x000D_
_x000D_
थापाले निजी होटलको जग्गाबाट केही उडान तथा अवतरण भएको स्वीकार गरे।
_x000D_
_x000D_
‘हामीले प्राधिकरणसँग आकस्मिक उडानका लागि निवेदन दिएका छौं,’ उनले भने, ‘उडान अनुमति प्रक्रियामा रहेको अवस्थामा बढ्दो हेलिकोप्टर चापको समस्याबाट मुक्त हुन उडान समेत थालेका हौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786783778.jpg)
-1786602170.png)
