काठमाडौं– नेपालबाट ५६ प्रतिशत घरधुरी वैदेशिक रोजगारीमा संग्लन रहेको एक अध्ययनले देखाएको छ। वैदेशिक रोजगार प्रवर्द्धन बोर्डको १०औ वार्षिकोत्सवको अवसरमा बोर्डले सार्वजानिक गरेको प्रतिवेदनमा ३१ लाख घरपरिवार रेमिट्यान्सबाट लाभान्वित रहेको जनाएको छ।
_x000D_
_x000D_
गएका १० वर्षमा करिब ३७ लाख नेपाली नागरिक वैदेशिक रोजगारीमा गएको बोर्डको प्रतिवेदनमा उल्लेख गरिएको छ। सो अवधिमा करिब ४४ खर्ब ८२ अर्ब रेमिट्यान्स विदेशबाट नेपाल भिक्रिएको प्रतिवेदनमा जनाइएको छ।
_x000D_
_x000D_
बोर्डले वैदेशिक रोजगारीलाई सुरक्षित, व्यवस्थित र मर्यादित बनाउँदै वैदेशिक रोजगारमा गएका कामदार र तिनका परिवारको हकहित संरक्षण, सीप अभिवृद्धि, पुनः एकीकरण जस्ता कल्याणकारी काम काम गर्दैआएको जानकारी दिएको छ।
_x000D_
_x000D_
गएको १० वर्षमा रोजगारीका क्रममा विभिन्न मुलुकमा मृत्यु भएका ६ हजार ७ सय ९० र बिरामी तथा अंगभंग भएका १ हजार २ सय २ जना कामदारका परिवारलाई गत भदौसम्म १ अर्ब ५६ करोड ७७ लाख ९४ हजार आर्थिक सहायता उलब्ध गराइएको बोर्डले जनाएको छ।
_x000D_
_x000D_
सरकारले वैदेशिक रोजगारीका क्रममा हुने मृत्यु, बिरामी र अंगभंग रोक्न विषेश कार्यक्रम तथा योजना ल्याउन लागेको श्रम, रोजगार तथा सामाजिक सुरक्षा मन्त्रालयका निमक्त सचिव डा राम प्रसाद घिमिरेले बताएका छन्।
_x000D_
_x000D_
सरकारले पछिल्लो समय वैदेशिक रोजगारीको विकल्पमा आन्तरिक श्रम बजारमा रोजगारीका अवसर र सम्भावनाको खोजी रहेको उनले बताएका छन्।
_x000D_
_x000D_
वैदेशिक रोजगारपीडित कामदार र तीनका आफन्तलाई प्रदान गरिने सहायता निवेदन दिएको दिनमा उपलब्ध गराउने, कामदारको उद्धार तथा सहयोगका लागि बोर्ड सचिवालयमा अलगै कक्षको व्यवस्था गरी शीघ्र उद्धारको व्यवस्था गर्ने योजना लिएको बोर्डका कार्यकारी निर्देशक राजन प्रसाद श्रेष्ठले बताएका छन्।
_x000D_
_x000D_
विदेशमा समस्यामा परेका कामदारलाई उद्दार गर्ने सरकारले नयाँ नीति निर्माण गर्नुपर्ने पूर्वराजदूत उदयराज पाण्डेले बताएका छन्। नेपालबाट खाडी र मलेसियाका देशमा करिब ८७ प्रतिशत कामदार जाने गरेका छन्।
_x000D_
_x000D_
बोर्डले मृतक कामदारका कक्षा ८ सम्म अध्ययन गर्ने बालबालिकालाई वार्षिक ८ हजार र कक्षा ८ देखि १२ सम्म अध्ययन गर्ने बालबालिकालाई १२ हजार छात्रवृत्ति प्रदान गर्दै आएको छ।
_x000D_
_x000D_
वैदेशिक रोजगारीका क्रममा ज्यान गुमाएका, गम्भीर बिरामी तथा अंगभंग भएका कामदारका परिवारका सदस्यलाई तीनवर्षे र एकवर्षे पूर्ण निःशुल्क प्राविधिक शिक्षा प्रदान पनि गरिरहेको प्रतिवेदनमा जनाइएको छ।
_x000D_
_x000D_
बोर्डले वैदेशिक रोजगारमा जाने कामदारका लाग दिइने अभिमुखीकरण तालिमका लागि पाठ्यक्रम परिमार्जनका लागि समिति गठन गरेको जनाएको छ।
_x000D_
_x000D_
वैदेशिक रोजगारीका क्रममा कामदारलाई विपद् पर्दा तथा रोजगारीका लागि अभिमुखीकरण दिनका लागि भनेर बोर्डले वैदेशिक रोजगार कल्याणकारी कोषको सञ्चालन गर्दै आएको छ। आव २०७४–७५ सम्म कोषमा चार अर्ब ५० करोड जम्मा भएको बोर्डले जानकारी दिएको छ।
_x000D_
_x000D_
बोर्डले वैदेशिक रोजगारीमा जाने कामदारको मृत्यु भएमा परिवारलाई आर्थिक सहयोग, विदेशमा अलपत्र परेको अवस्थामा उद्धार, मृतक कामदारको शव स्वदेश ल्याउन, वैदेशिक रोजगारीमा जाने कामदारलाई सिपमूलक तालिम प्रदान गर्न कल्याणकारी कोषबाट खर्च गर्दैआएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
