काठमाडाैं– नेपाली कांग्रेस थप अनिश्चिततातर्फ धकेलिएको छ। केन्द्रीय समितिको बैठक र नेविसंघको महाधिवेशन अनिश्चित भएसँगै महासमितिको बैठक पनि सारिएको छ। महासमितिको बैठक सार्ने औपचारिक निर्णय भने भइसकेको छैन।
_x000D_
_x000D_
धकेलियो महासमिति बैठक
_x000D_
_x000D_
महासमिति बैठक महाधिवेशनपछिको शक्तिशाली निकाय हो। कांग्रेसको विधान संशोधन गर्ने अधिकार महासमिति बैठकलाई हुन्छ। पराजयपछिको कांग्रेसलाई नयाँ जीवन दिन बहुप्रतिक्षित रुपमा हेरिएको महासमिति बैठक अन्ततः सर्ने भएको छ।
_x000D_
_x000D_
घोषित मितिमा महासमितिको बैठक नहुने निश्चित भए पनि नयाँ मिति भने टुंगो लाग्न सकेको छैन। महासमिति बैठक सर्नुलाई नेताहरुले फरकफरक अभिव्यक्ति दिएर पुष्टि गर्ने प्रयास गरेका छन्। विधान मस्यौदा समितिको कार्य नसकिनु, पर्व तथा केन्द्रीय कार्यसमितिमा प्रर्याप्त छलफल हुन समयाभाव भएकाले सार्नुपरेको संस्थापन पक्षका नेताहरुको दाबी छ।
_x000D_
_x000D_
अर्को पक्षका नेताहरु भने संस्थापन पक्षको तर्कलाई स्विकार्ने पक्षमा छैनन्। महासमितिको बैठक पर–पर सार्ने नियतले नै संस्थापन पक्षले पछिल्लो कदम चालेको इतर समूहको निचोड छ।
_x000D_
_x000D_
युवा नेता प्रदीप पौडेलले संस्थापन पक्षको नियत नै महासमिति बैठक पर सार्ने भएकोले रोकिएको बताए। ‘महासमिति सर्नुमा खासै कारण छैन’ उनले भने, 'रुचि नभएर हो। धकेलेर पछाडी लाने मनसाय भएकाले अनिश्चित भएको हो।’
_x000D_
_x000D_
विधान मस्यौदा टुंगिन बाँकी रहेको बहाना बनाइएको उनले बताए। टुंगिन बाँकी खासै विषय नै नरहेको पौडेलको दाबी छ। ‘महासमिति गर्ने हो भने बिदाको समयमा पनि विधान मस्यौदा समितिले काम गर्नुपर्छ,’ उनले भने। पदाधिकारीको संख्या र निर्वाचित वा मनोनित गर्ने विषयमा मतान्तर भए फरक मतसहित केन्द्रीय कार्य समितिमा पेस गर्न सकिने विकल्प उनले सुनाए।
_x000D_
_x000D_
प्रवक्ता विश्वप्रकाश शर्मा विधान मस्यौदा समितिमा रहेका पौडेलको भनाइलाई पूरै इन्कार गर्छन्। विधान मस्यौदा समितिले आफ्नो कार्य नसकी केन्द्रीय समिति बस्न नसक्ने उनले बताए।
_x000D_
_x000D_
‘विधानमाथि छलफलका लागि पर्याप्त समय अभाव हुन्छ,’ उनले भने, ‘केन्द्रीय सदस्य सबैले धारणा राख्न पाउनुपर्छ। त्यसका लागि केही समय सर्ने हो। सारेर २०७५ बाट २०९० सालमा पुर्याउने त होइन नि।’ नियत खराब भएर सार्न लागेको भनाइप्रति शर्माले प्रतिवाद गरे।
_x000D_
_x000D_
पर्वहरुका कारणले तयारी पूरा हुन नसक्दा बैठक सार्न लागिएको मस्यौदा समितिका सदस्य दिलेन्द्र बडुले जानकारी गराए। महासमिति बैठक मंसिर ५ देखि ९ गतेसम्म बस्ने मिति तय गरिएको थियो। त्यसका लागि मूल आयोजक समिति र उपसमितिहरुसमेत गठन गरिसकिएको थियो।
_x000D_
_x000D_
बस्नै नसक्ने केन्द्रीय कार्यसमिति
_x000D_
_x000D_
विभागहरु गठन हुन नसकेको भन्दै सभापतिको आलोचना निर्वाचनमा पराजयपछि बढेको थियो। भदौको सुरुवातदेखि सभापति देउवा विभागहरु गठन गर्ने तयारीमा लागेका थिए। उनले आफूपक्षीय नेताहरुसँग वार्ता गरी तयारी अघि बढाएका थिए। ४२ विभागहरुमध्ये तत्कालका लागि देउवाले अनुशासन र कार्यसम्पादन समिति चयन गर्न पहल गरेका थिए।
_x000D_
_x000D_
कार्य सम्पादन र अनुशासन समिति गठन गर्न भन्दै भदौ ९ मा बैठक डाकिएको थियो। तर, बैठक बस्न सकेन। भदौको तेस्रो साताको लागि पुनः बैठक बोलाइयो। कार्यसम्पादन समिति गठन गर्न चासो कम देखाएर अनुशासन समिति गठनतर्फ मात्रै ध्यान मोडेको भन्दै विवाद भयो। संस्थापनइतर समूहको असन्तुष्टिले २१ भदौको बैठक बस्दै नबसी रोकियो। बैठक पुनः २९ को लागि डाकियो। अनुशासन समितिमा रहने व्यक्तिहरुमा सहमति हुन नसकेपछि भदौ २९ को बैठक पनि स्थगित गरियो।
_x000D_
_x000D_
अनुशासन र कार्यसम्पादन समितिको कारणले बैठक बस्न नसकेपछि उक्त विषयहरुलाई थाती राख्दै असोज २१ मा नेविसंघको विषयमा छलफल गर्न बैठक पुनः बोलाइयो। विषयान्तर भएर विषयमा छलफल भए पनि विवाद उत्कर्षमा पुग्यो। नेविसंघको १२ औं महाधिवेशनमा उमेरहद लगाउने विषयमा पार्टीका समूहबीच विवाद उत्पन्न भएको थियो।
_x000D_
_x000D_
विवादकै बीच संस्थापन पक्षले उमेरहद ३२ वर्ष कायम हुने निर्णयलाई बहुमतले पारित गरेको थियो। त्यस निर्णयबाट रुष्ट बनेको इतर समूहले केन्द्रीय कार्यसमितिको बैठक बहिष्कार गर्ने चेतावनी दिएपछि असोज २५ गते बोलाइएको बैठक अनिश्चितकालको लागि रोकिएको थियो।
_x000D_
_x000D_
कार्यक्रमविहीन नेविसंघ
_x000D_
_x000D_
नेविसंघको वर्तमान कार्यसमितिको कार्यवधि २ मंसिरमा सकिंदैछ। पार्टीको बैठक बस्न नसक्दा संघ कार्यक्रमविहीन बन्न पुगेको छ। संघको विधानअनुरुप बढाइएको तीन महिने कार्यकाल सकिएसँगै मंसिर पहिलो साताबाट विघटन हुनेछ।
_x000D_
_x000D_
माथिल्लो निकायको जिम्मेवारी विहीनताको शिकार ‘नर्सरी संगठन’ नेविसंघ हुन पुगेको छ। संघको कार्यसमितिले पार्टीलाई पेस गरेको विधानमा पार्टी संस्थापन पक्षले ‘तोडमोड’ गरेपछि विवाद झांगिएको छ। संघलाई विधान उपलब्ध गराइएको छैन। विद्यमान कार्यसमितिलाई विघटन, निरन्तरता वा तदर्थ समिति गठनका बारेमा पनि पार्टी मौन छ।
_x000D_
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
