जुम्ला– संस्कृति, पर्यटन तथा नागरिक उड्डयन मन्त्री रवीन्द्र अधिकारीले जुम्ला सदरमुकाम खलंगास्थित डुडुल चैत्य (बोधी चैत्य) को गत बुधबार एक समारोबीच उद्घाटन गरे।
_x000D_
_x000D_
मन्त्री अधिकारीले उद्घाटन गरेका डुडुल चैत्य संस्कृति, पर्यटन तथा नागरिक उड्डयन मन्त्रालयले भखरै सार्वजनिक गरेको सय गन्तव्य मध्येको एउटा गन्तव्य पनि हो। तर, मन्त्री अधिकारीले मर्मतका लागि बन्द गरिएको विमानस्थल आफू जानकै लागि खुला गरेको तथ्य खुल्न आएको छ।
_x000D_
_x000D_
मन्त्री अधिकारी, मन्त्रालय तथा प्राधिकरणको माथिल्लो तहमा बसेको कर्मचारीले मर्मत भइरहेको विमानस्थल ६ दिनका लागि खुला गर्न निर्देशन दिए।
_x000D_
_x000D_
अधिकारीका प्रेस संयोजक ध्रुव पोखरेलले मन्त्री अधिकारी जुम्ला जाने भएपछि बन्द गरिएको विमानस्थल खुला गरिएको स्वीकार गरे। मन्त्री अधिकारीको जुम्लामा दुई वटा कार्यक्रम थियो। ‘एउटा मर्मत भइरहेको विमानस्थल अनुगमन र अर्को डुडुल चैत्यको उघाटन थियो’, उनले भने। मन्त्री अधिकारी १४ गते तारा एयरको जहाजबाट जुम्ला गई १५ गते नै नेपालगञ्ज र्फिता भएको उनको भनाइ छ।
_x000D_
_x000D_
तर, मन्त्री अधिकारी जाने भएपछि विमानस्थलको मर्मत नै रोकिएको थियो। मर्मतको काम गरिरहेको निर्माण एक प्रतिनिधिले भने, ‘विशेष काममा लागि मन्त्री अधिकारी आउँदै हुनुहुन्छ, तपाईंहरुले जहाज अवरतण गर्न सक्नेगरी रनवे सफल गरिदिन भनिएको थियो। सोहीअनुसार हामीले मर्मतको काम रोकेर जहाज अवरतण गर्न मिल्नेगरी रनवे तयार पारेका थियौ।’
_x000D_
_x000D_
जहाज बिग्रिएको बहाना
_x000D_
_x000D_
जुम्ला विमानस्थलमा तारा एयरको एउटा जहाज बिग्रिएर थन्किएको थियो। जहाजको इन्जिन विदेशबाट ल्याई जुम्ला लानुपर्ने थियो। योसँगै मन्त्री अधिकारीको पनि जुम्लामा कार्यक्रम रहेको विमानस्थल खुल्ला गरिएको नेपालगञ्ज विमनस्थलका प्रमुख प्रेमनाथ ठाकुर बताउँछन्।
_x000D_
_x000D_
त्यसमा पनि आवश्यकता हेरेर विमानस्थल सञ्चालन गर्न सकिने भएका कारण केही दिनका लागि विमानस्थल खुला गरिएको उनको तर्क छ।
_x000D_
_x000D_
साथै विमानस्थल मर्मत आयोजनका प्रमुख इन्जिनियर प्रकाश श्रेष्ठले पनि १४ गते देखि १९ गतेसम्मका लागि विमानस्थल खुल्ला गरेको बताए। अब रनवे मर्मतको काम सकिएपछि मात्रै विमानस्थल खुला हुने उनको भनाइ छ।
_x000D_
_x000D_
यो बीचमा समिट एयरलाइन्सले दुई वटा उडान गरेको छ। यसैगरी मन्त्री लैजान र ल्याउन तारा एयरले पनि दुई वटा उडान गरेको छ। यसैगरी तारा एयरले विदेशबाट ल्याएको जहाज इन्जिन समेत काठमाडौंबाट जुम्ला लगेको छ। बिग्रिएर बसेको जहाजको इन्जिन परिर्वतनको काम भइरहेको छ। अब भोलिसम्ममा जहाज मर्मत गरेर नेपालगञ्ज ल्याएपछि फेरि विमानस्थल बन्द हुने श्रेष्ठ बताउँछन्।
_x000D_
_x000D_
१८ महिनामा २५ प्रतिशत मात्रै काम
_x000D_
_x000D_
विमानस्थलको रनवे मर्मतको काम सुरु भएको १८ महिनाभन्दा बढी भइसकेको छ। तर, निर्माण कम्पनी एपेक्स पृथ्वी अनेक्स जेभीले अहिलेसम्म २५ प्रतिशत मात्रै काम सम्पन्न गरेको छ। विमानस्थलको रनवेमा समस्या देखिएपछि नेपाल नागरिक उड्डयन प्राधिकरणले ४ करोड ५२ लाख रुपैयाँमा विमानस्थलको 'रनवे ओभर ले' काम थालेका थियो। विमानस्थल मर्मतका काम २०७४ वैशाखबाट सुरु भएको थियो।
_x000D_
_x000D_
पहिलो पटक १२ महिनामा काम सम्पन्न गर्नेगरी सहमति भए पनि थप ६ महिनाको समय दिंदा पनि निर्माण कम्पनीले काम सम्पन्न गर्न सकेको छैन। फेरि विमानस्थल मर्मतको लागि समय थप्ने तयारी भएको इन्जिनियर श्रेष्ठ बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
