कोलम्बो– श्रीलंकाका राष्ट्रपति मैत्रिपाला सिरिसेनाले आउने सोमबारका लागि संसद बैठक आवहन गरेका छन्। गत हप्ता श्रीलंकाका प्रधानमन्त्री रनिल बिक्रमासिंघेलाई पदबाट बरखास्त गरी पूर्व राष्ट्रपति महिन्दा राजापाक्क्षलाई प्रधानमन्त्री नियुक्त गरेपछि श्रीलंकामा राजनीतिक वातावरण बिग्रिएको थियो।
_x000D_
_x000D_
अघिल्लो शुक्रबार सिरिसेनाले बिक्रमासिंघेलाई प्रधानमन्त्री पदबाट निलम्बन गरेका थिए। केही हप्ताअघि श्रीलंकाका राष्ट्रपति सिरिसेनाले आफ्नो हत्या गर्न भारतीय जासुस संयन्त्र लागि परेको बताएका थिए। भारतसँग नजिकको सम्बन्ध बनाउँदै सत्ता सञ्चालन गरेका विक्रमासिंघेसँग राष्ट्रपति सिरिसेनाको सम्बन्ध पछिल्लो समय हार्दिक थिएन।
_x000D_
_x000D_
२०१५ को निर्वाचनमा तत्कालीन राष्ट्रपति राजापाक्क्ष विरुद्ध चनाव लड्न सिरिसेना र बिक्रमासिंघे संयुक्त रुपमा निर्वाचनमा सहभागी भएका थिए। राजपाक्क्ष नेतृत्वको पार्टीलाई निर्वाचनमा पराजित गरेका सिरिसेना र बिक्रमासिंघले गठबन्धन पार्टीको सरकारमा सिरिसेना राष्ट्रपति थिए भने बिक्रमासिंघे प्रधानमन्त्री रहेका थिए।
_x000D_
_x000D_
अकस्मात सिरिसेनाले श्रीलंकका प्रधानमन्त्रीलाई पदच्युत गर्दै विपक्षी दलका नेतालाई प्रधानमन्त्रीको शपथ गराएपछि श्रीलंकको राजनीतिक वातावरण बिग्रिन पुगेको हो।
_x000D_
_x000D_
राष्ट्रपतिबाट प्रधानमन्त्रीको पद बर्खास्त गरे पनि संवैधानिक हिसाबमा राष्ट्रपतिसँग त्यसो गर्न संवैधानिक अधिकार नरहेको जिकिर गर्दै बर्खास्तीमा परेका प्रधानमन्त्री बिक्रमासिंघेले प्रधानमन्त्री निवास ट्याप्पल ट्रिज छोडेका छैनन्।
_x000D_
_x000D_
संसदमा आफ्नो बहुमत रहेको दावी गरेका बिक्रमासिंघेलाई संसदमा आफ्नो बहुमत सिद्ध गर्न नदिने मनसुवाले राष्ट्रपति सिरिसेनाले नोभेम्बर १५ सम्म संसदका सम्पूर्ण काम कारबाही स्थगित गरेका थिए।
_x000D_
_x000D_
श्रीलंकका आन्तरिक राजनीतिक वातावरण झनै बिग्रिंदै गएपछि राष्ट्रपतिले तोकेको समयभन्दा पहिले नै संसद आवहन गर्न बाध्य भएको अन्तर्राष्ट्रिय सञ्चार माध्यमहरुले बताएका छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790561542.webp)
-1786602170.png)
