काठमाडौं। यूईएफए नेसन्स लिगअन्तर्गत आइतबार भएको खेलमा पोर्चुगलले नर्वेलाई २–१ ले पराजित गरेको छ। क्रिस्टियानो रोनाल्डो बेन्चमा रहेका बेला जोआओ फेलिक्स र गोन्सालो रामोसले पोर्चुगलका लागि गोल गरे।
१७औं मिनेटमा पेड्रो नेटोको क्रस नियन्त्रण गर्दै फेलिक्सले गोलको तल्लो कुनामा प्रहार गरी पोर्चुगललाई अग्रता दिलाए। यो लगातार दोस्रो खेलमा उनको गोल हो।
नर्वेका एर्लिङ हालान्डले केही अवसर गुमाएपछि ५१औं मिनेटमा बराबरी गोल गरे। यो नर्वेका लागि ५७ खेलमा उनको ६५औं गोल थियो।
तर रोनाल्डोको स्थानमा खेलेका रामोसले तीन मिनेटपछि नै पोर्चुगललाई पुनः अग्रता दिलाए। नर्वेका गोलरक्षक ओर्जान निल्यान्डले गरेको खराब पास रामोसले बीचमै रोकेर गोल गरेका थिए।
निल्यान्डकै अर्को गल्तीको फाइदा उठाउँदै रामोसले एक घण्टाभन्दा कम समयमै अर्को गोल गरेको जस्तो देखिए पनि भीएआर समीक्षापछि उक्त गोल अफसाइडका कारण रद्द भयो।
अर्को खेलमा डेनमार्कले वेल्सलाई २–० ले पराजित गर्दै समूह ए४ मा पहिलो जित निकाल्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790561542.webp)
-1786602170.png)
