काठमाडौं- ३८ सय किलो सुन तस्करी र सनम शाक्य हत्या प्रकरणमा जिल्ला अदालत मोरङको आदेशले थुनामा रहेका एक अभियुक्त धरौटीमा रिहा हुनुपर्ने माग गर्दै सर्वाेच्च अदालत आइपुगेका छन्।
_x000D_
_x000D_
जिल्ला अदालत मोरङको पुर्पक्षको आदेशले थुनामा रहेका महावीर प्रसाद गोल्यान त्यसलाई चुनौती दिँदै सर्वोच्च पुगेका हुन्। गोल्यानले कात्तिक ९ गते जिल्ला अदालतको आदेश त्रुटीपूर्ण भन्दै सर्वोच्चमा १७ नम्बर निवेदन दायर गरेका हुन्। तल्लो अदालतको आदेश चित्त नबुझेमा माथिल्लो तहमा जान पाउने अधिकार अन्तरगत उनी सर्वाेच्च आएका हुन्।
_x000D_
_x000D_
जिल्ला अदालत मोरङका न्यायाधीश नारायणप्रसाद शर्माको इजलासले जेठ ८ गते थुनामा पठाउने आदेश गरेका थिए। उच्च प्रहरी अधिकृत धरौटीमा छुटे पनि उनी रिहा नभएपछि सर्वोच्च पुगेका हुन्।
_x000D_
_x000D_
सुन तस्करी प्रकरणमा पूर्व डिआईजी गोविन्द निरौलासहित एसएसपी खत्री, दिवेश लोहनी, एसपी विकासराज खनाल, डिएसपी प्रजित केसी धरौटीमा छुटेका थिए।
_x000D_
_x000D_
तस्करीका मुख्य अभियुक्त गोरे भन्ने चुडामणी उप्रेतीलगायत अन्य अभियुक्तहरु थुनामै रहेका छन्। गोल्यानलगायतले सुन तस्करीमा चुडामणि उप्रेती ‘गोरे’को समूहलाई सघाएको तथा सनम शाक्य हत्यामा मुख्य अभियुक्तलाई जोगाएको आरोप छ।
_x000D_
_x000D_
त्यस्तै, अन्य केही आरोपितले जिल्लाको आदेशविरुद्ध उच्च अदालतमा दर्ता गरेको निवेदन विचाराधीन रहेको छ। उच्च अदालतले थुनामा राख्नेविरुद्ध अपिल गरेका हेमन्त गौतम, राजन थापा, महावीर प्रसाद गोल्यान, टेकराज मल्ल ठकुरीको हकमा जिल्ला अदालत मोरङले गरेको आदेशलाई सदर गरेको छ।
_x000D_
_x000D_
निर्णय मगाउने आदेश
_x000D_
गोल्यानका निवेदनमा पहिलो सुनुवाई गर्दै सर्वाेच्चको एकल इजलासले थुनामा राख्ने आदेश मगाउने आदेश गरेको छ। न्यायाधीश मिरा खड्काको एकल इजलासले जिल्ला र उच्चको निर्णय मगाउने आदेश गरेको छ। अब संयुक्त इजलासले उनलाई धरौटीमा राख्ने निर्णय ठीक वा बेठीकको बारेमा निर्णय गर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1786602170.png)
