काठमाडौं- वैदेशिक रोजगार व्यवसायी संघका अध्यक्ष रोहन गुरुङले आफूहरुसँग कुनै छलफल नै नगरी मलेसियासँग सम्झौता गरेको भन्दै कामदार नपठाउने धम्की दिएका छन्।
_x000D_
_x000D_
श्रम, रोजगार तथा सामाजिक सुरक्षामन्त्री गोकर्ण विष्टले सस्तो लोकप्रियताका लागि मलेसिया सरकारसँग श्रम सम्झौता गरेको व्यवसायीको आरोप छ।
_x000D_
_x000D_
मंगलबार संवाद चौतारीले आयोजना गरेको अन्तरसंवाद कार्यक्रममा बोल्दै अध्यक्ष गुरुङले २०७२ साल जेठमा तत्कालीन श्रम राज्यमन्त्री टेकबहादुर गुरुङले पनि कार्यन्वयन नै हुन नसक्ने व्यवस्था ल्याएको अारोप लगाए। गुरुङले 'फ्रि-भिजा र फ्रि-टिकट'को व्यवस्था गरेर सस्तो लोकप्रियता खोजेजस्तै वर्तमान मन्त्रीबाट पनि त्यस्तै भएको उनले बताए।
_x000D_
_x000D_
पहिले गरिएको मलेसियासँगको श्रम सम्झौता के कति कारणले रद्द गरिएको हो त्यसको पनि सरकारले चित्त बुझ्दो जवाफ दिनुपर्ने उनले बताए। मलेसिया सरकारसँगको सम्झौताको पूर्ण पाठ सरोकारवालालाई नदिई प्रेस वक्तव्यबाट मात्रै सार्वजनिक गर्नुले बाहिर आएभन्दा फरक सम्झौता भएको हुन सक्ने अाशंका उनले व्यक्त गरे।
_x000D_
_x000D_
सोही कार्यक्रममा बोल्दै व्यवसायी विमल ढकालले मन्त्री विष्टले बदनियतपूर्ण तरिकाले सस्तो लोकप्रियताको लागि गरेको श्रम सम्झौता सबै व्यवसायीले विरोध गर्नुपर्ने धारणा व्यक्त गरे।
_x000D_
_x000D_
कार्यक्रममा सत्तारुढ नेकपा निकट व्यवसायी चित्रगुप्त सावाले सरकारले गरेको श्रम सम्झौताको बारेमा तत्काल समर्थन या विरोध गर्नु उचित नभएको बताए। आफूहरु अध्ययनकै क्रममा रहेको र बाहिर मिडियामा आए जस्तै सम्झौता हो भने मन्त्री विष्टको लोकप्रिय हुने होड मात्र भएकोभएको जिकिर गरे।
_x000D_
_x000D_
सरकारले मलेसियासँग सोमबार मात्र श्रम समझदारी पत्रमा हस्ताक्षर गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
